Þau vilja s.s. það kjósendur höfnuðu?

Þetta eru skrítin skilaboð. Kosningaþátttaka í Hafnarfirði var með eindæmum léleg. 65%. 1/6 af þeim sem mættu skiluðu auðu. Samt tapaði Samfylking fylgi og Sjallar unnu á. Lúðvík komst ekki inn. Nú á að halda áfram með vinstri bæjarstjórn og hafa Lúðvík sem bæjarstjóraefni?

Þetta er það sem fólk er að segja að fjórflokkurinn skilji ekki. Það er verið að senda skilaboð og þau eru hunsuð af valdhöfum, atvinnupólitíkusum.

Stefnir í vinstristjórn í Hafnarfirði

Ísraelar samkvæmir sjálfum sér

Mannréttindi, meðalhóf, sanngirni, réttlæti eru hugtök sem hafa ekki verið að þvælast mikið fyrir gyðingaríki Ísraela. Þarna höfum við bara eina birtingamynd þeirrar mannfyrirlitningu sem þetta ríki stendur fyrir. Og komast upp með, í boði Bandaríkjanna.

Maður getur ekki annað en dáðst að þeim er fóru út í þessa vegferð að færa þurfandi Palestínumönnum á Gaza hjálpargögn. Sorglegt að þetta hafi þurft að enda svona.

Ísraelsher staðfestir mannfall

Óþarfa ótti

Það vill nú svo til að þessi ótti við hækkun við einkavæðingu er óþarfur ef:

1. Einkavæðingin nær bara yfir lítinn hluta markaðar
2. Einokun/fákeppni verður ekki til.

Ég get ekki séð að það sé verið að einkavæða allan markaðinn. Þetta er eitt orkufyrirtæki af nokkrum. Stórt þó, reyndar.

Einokun/fákeppni verður ekki heldur. Ef einhver er með einokun á orkumarkaði í dag þá er það ríkið/sveitarfélög. En það kvartar víst enginn yfir því.

Ef fólk á Reykjanesi sér að rafmagnið er að hækka hjá HS Orku, þá bara svissar það yfir og kaupir rafmagn af OR eða Orkuveitu Vestfjarða eða eitthvað. Það er nebblega hægt að ráða því hvaðan maður kaupir rafmagn. Þökk sé ESB.

Og heita vatnið  er ekki inni í HS Orku. Það er í HS Veitum og það er í eigu Reykjanessbæjar.

Því miður, Árni Þór, hræðsluáróðurinn stenst ekki skoðun í þetta skiptið.

Óttast hærra orkuverð til almennings

samfélagslegan ágóða?

Á það núna að vera fjárfestingastefna lífeyrissjóðanna? Samfélagslegur ágóði?  Svona eins og Byggðastofnun? Aldeilis gáfuleg fjárfestingastefna það. Hvað á þá að framfleyta okkur í ellinni? Samfélagslegur ágóði? Félagslegt réttlæti o.s.frv.?

Steingrímur er ágætur, hef lítið upp á hann að klaga, en þetta er bara út í hött samt. 

Arðsemiskrafan endurskoðuð

Afskipti Alþingis af dómsmálum

Það er algerlega magnað að lesa svona hugmyndir frá þingmanni í meirihlutastjón. Veit hann Björn Valur ekki af því að það er alveg kristaltært í okkar stjórnkerfi að Alþingi og ráðherrar eiga EKKI að hafa nokkur afskipti af dómsmálum sem eru fyrir dómi í hvert sinn. Það er frægt orðið þegar Ólafur Ragnar Grímsson fékk Gvend Jaka til að tilkynna veikindi svo Ólafur kæmist á þing til að ausa úr skálum reiði sinnar um Hafskipsmálið. Ein stærstu réttarfarsmistök síðustu aldar. Endilega Björn Valur, farðu í þessi fótspor. Skiptir það engu hver málstaðurinn er, þingmaður á EKKI að skipta sér beint á nokkurn hátt að dómsmáli. 

Vill að ákæra verði dregin til baka

Evran að sökkva? 19. maí verður vendipunktur.

19. maí þurfa Grikkir að standa skil af afborgunum af láni. Þessi afborgun er uppá 9 milljarða Evra. (Heimild)

Ef þeir geta ekki borgað, heitir það greiðslufall. Þegar greiðslufall verður hjá ríki, heitir það að ríkið er gjaldþrota.

Ef Evruríki verður gjaldþrota sekkur Evran fljótt, hratt og í langan tíma. Þetta ættum við Íslendingar að þekkja, hvað gerist þegar enginn vill snerta gjaldmiðilinn.

Ég spái því að Evruríkin munu skera Grikkland úr snörunni og lána þeim fyrir þessum gjalddaga. Annars sökkva Evruríkin öll sem eitt með Grikklandi.

Og svo er Írland, Spánn, Portúgal og fleiri með sín vandamál, next up. 

Skuldabréf Grikklands í ruslflokk

Sósíalískt réttlæti Hróa Hattar

Hvað er Lilja að segja? Á að fara endalaust í vasa þeirra sem eru með laun fyrir ofan þolmörk skattpíningar til að laga "réttlæti skuldara" ? 

Ég er skuldari eins og allir aðrir. En ég er líka í þeim hópi fólks sem VG er núna að skattpína ofan í jörðina, ofan á stökkbreytt lán og greiðslubyrgði af þeim.

Nei takk, Lilja. Þú ert ágæt en í Guðanna bænum ekki grafa mig og mína fjölskyldu sex fet niður og moka yfir, í leit að sósíalíska réttlætinu hans Hróa Hattar. Nóg er búið að stela frá mér og öðrum í minni stöðu. 

Ef ég er svo heppinn, aftur á móti, að lánadrottinn minn getur séð sér fært að lagfæra stökkbreytta lánið mitt, þá koma flokksbræður Lilju og taka tekjuskatt af mismuninum. Indriði Þorláks í broddi fylkingar. Fullt af fólki hefur farið í 110% pakka bankanna til að laga málin en eiga á hættu að vera kjöldregin fyrir það.

Réttlæti skuldara? Láttu skattgreiðendur í friði og talaðu við Indriða frekar og Steingrím J. !!!!!!!!!  Líttu þér nær, kona, og hættu að hrópa út í bláinn!

„Skuldarar hrópa á réttlæti“

Af hverju er þetta frétt?

Þetta er "virtasta stétt landsins" að eigin mati: Blaðamenn.

Fyrir utan það hvað það er furðulegt að stjórnarfundur fagfélags skuli vera fréttamatur þá er bara frábært að sjá fólk, sem tekur sig jafn hátíðlega, haga sér eins og krakkar á Gulu deildinni. Af því að það á að fara að velja formann fyrir "virtustu stétt landsins".

Merkilegt hvað álit mitt á Þóru hefur minnkað undanfarið. 

Neita að skrifa undir ársreikninga BÍ

Má ég líka hunsa lög og reglur?

Þetta er merkilegt mál. Allir borgarar og íbúar Reykjavíkur, tja, allra sveitafélaga, þurfa leyfi og samþykktir til að reisa mannvirki og standa í meiri háttar aðgerðum, hvort sem er á sinni eigin lóð eða fyrir utan hana.

Nú lítur út fyrir að sá ágæti maður, Hrafn Gunnlaugsson, hafi reist alls kyns mannvirki án tilskilinna leyfa. Má ég þá gera það líka?

Mátti þá Kári Stefánsson reisa grindverkið sitt í Skerjafirði hér um árið? Mátti þá fólkið, sem þurfti að rífa bústaðinn sinn vegna þess að einhver hluti hans var byggður án tilskilinna leyfa, byggja þetta eftir allt saman?

Hvernig er það, gilda lög og reglur fyrir suma en ekki aðra?

Er þetta nýja Ísland? Þar sem öll dýrin eru jöfn, en sum eru jafnari en önnur?

Ég hef gaman af Hrafni og hans verkefnum og pælingum. Það væri samt óskandi að hann myndi gera það í sátt við borgaryfirvöld, eins og allir íbúar landsins þurfa að gera. 

Hrafn fær líklega frest

Ekkert nýtt á ferðinni skv. Matt Taibbi

Held að fólk ætti að kynna sér rannsóknarblaðamennsku Matt Taibbi hjá Rolling Stones.

 

 

 

 

Gengi bréfa Goldman Sachs hrynur