Á maður að hlæja eða gráta?

Fyrir ekki svo löngu síðan settu ungir VG mynd af Steingrími J. í líki Che Gueverra á boli og klæddust svo þeim bolum. Hetjudýrkun (en Che var samt umdeildur sem hetja). Nú er Svandís Svavars orðin hetja. Fyrir hvað? Eitthvað sem hún kallaði "eðlilega og góða stjórnsýslu"? Stöðva atvinnuuppbyggingu? Til hvers? Svo að álverið rísi í Kína, með orku úr kolaveri sem spúir út mörgum sinnum meiri mengun en álver? Kemur með mjög óeðlilegan úrskurð á síðustu metrunum? Svona eins og þau gerðu í Hafnarfirði?

Eftir að Svandís og hennar líkar hafa fengið sínu fram verður það kraftaverk að nokkurt fyrirtæki erlent taki okkur alvarlega. Við erum búin að gera upp á bak í fjármálum og þá skulum við fá fjallagras atvinnusinna á borð við Svandísi til að flæma burt allt og alla sem vilja fjárfesta hér í atvinnuuppbyggingu fyrir tugi og hundruði milljarða. Svona til að toppa þetta.

Nú þurfa ungir VG að setja mynd af Svandísi í Che líki á boli og þá verða þau búin að endurtaka flotta persónudýrkun.

Best þykir mér þó að við Svandís erum þremenningar. 

Svandís Svavarsdóttir heljarmenni

Rangt réttlætir ekki annað rangt

Sjallar klúðruðu gífurlega í aðdraganda hrunsins. Því verður ekki neitað. En gefa þau klúður VG þá rétt til að klúðra ennþá meira?

Ef Icesave reikningar komu til sögunnar á vakt Sjalla (Kjartan Gunnarsson, Davíð Oddsson, Árni Mathiesen, Björgvin Sigurðsson Samfó) og í andvaraleysi þeirra er voru við völd, gefur það þá Steingrími J. rétt til að gersamlega klúðra algerlega Icesave "samningum" með því að senda Svavar Gestsson, sinn pólitíska mentor, með ónýta "samninganefnd" að semja um þetta við hákarla? Ha?

Af því að Sjallar klúðruðu fjármálalífi landsins, og ollu hruni og atvinnuleysi í þeim geira, gefur það þá Svandísi Svavars  afsökun og rétt til að vega harkalega að atvinnuuppbyggingu í landinu?

Klúður og afglöð Sjálfstæðismanna gefa ekki VG rétt á að klúðra líka og stunda afglöp af kappi.

Fordæmir ræðu Árna Johnsen

Fjármagna neyslu?

Neyslu sem skilur ekki eftir sig neina fjárfestingu, sparnað, atvinnuuppbyggingu til framtíðar?

Jahá, það var nú og. Og þetta segir einn af forystumönnum flokksins sem er virkilega að hamla atvinnuuppbygginu!!!

Það er sorglegt hvað mýtan um vinstri stjórn er að sannast aftur og aftur þessa dagana. Og ég sem vonaði að nú væri stundin þar sem mýtan væri hrakin.

Lífeyrissjóðir láni í velferð

Þar fór eina vopn okkar gegn Bretum

Hefði dómur fallið með okkur hefðu Bretar þurft, í framhaldi af þessu máli og öðrum sem hefðu þetta sem forsendu, að borga kröfuhöfum, hluthöfum og öllum þeim er töpuðu á falli Kaupþings allt tapað fé.

Og svo segjast Hollendingar ekki treysta íslenskum dómstólum?

Við skulum ekki gleyma því að það voru Bretar sem felldu Kaupþing með því að fella Singer & Friedlander. 

Kaupþing tapaði máli gegn Bretum

Björn Bjarnason hafði þá rétt fyrir sér...

...þegar hann stofnaði Greiningardeild ríkislögreglustjóra?

Skrítið, því nóg var af bloggurum og álitsgjöfum, fólki sem elskar að hata Björn Bjarnason, sem fullyrti að þarna væri Björn að fara að "njósna um borgaranna" eða þaðan í verra.

En það vissu menn sem vita vildu að skipulögð glæpastarfssemi var lööööööngu komin til landsins þegar Fáfnirsmenn t.d. voru hvað mest í blöðunum, Fáfnir sem nú er orðið Hells Angels prospects. Þetta vissi Björn, þetta skildi hann, og vissi, að þetta myndi leiða til þess sem við erum að horfa á í dag. Innbrotsfaraldur á stærðargráðu sem við höfum aldrei séð áður. Og skipulagt vændi með mannsali. Viðbjóður!!!

Eigum við ekki að bölva Birni Bjarnasyni aðeins meira? Ha? Einum besta, og líklega misskildasta, ráðherra sem við höfum haft. Bæði í Menntamálaráðuneytinu og í Dómsmálaráðuneytinu (ef við undanskiljum EINA dómararáðningu, sem er dropi í hafið af því sem kallinn gerði rétt og vel). 

Götuvændi stundað í Reykjavík

Olía borgar fyrir sósíalistatilraun

Svo maður noti nú orða- og setningaforða þessa blessaða fjármálaráðherra, þá eru Norðmenn núna að borga fyrir sósíalistatilraun sína með Olíupeningum.

Gaman að þessum sósíalistum og óþoli þeirra gagnvart ekki-sósíalistum. 

Olíupeningar í fjárlagagat

Er þetta núna s.s. orðin afsökun?

Fólk sem brýtur gegn öðrum, undir áhrifum eður ei, og ber við minnisleysi vegna neyslu, neyslu sem er staðfest með blóðrannsóknum, getur það núna fengið sýknu vegna þessa? Því það er það sem verið er að segja með þessum dómi!

Dæmi: Ég kýli einhvern í klessu niðri í bæ. Ég ber því við að viðkomandi hafi ráðist á mig. Kemur í ljós við vitnaleiðslur, blóðrannsókn og annað, að ég var blindfullur og viðkomandi var að reyna að aðstoða mig þar sem ég var að detta ítrekað. Ég ber því bara við dómi, vegna líkamsárásarkæru, að ég hafi upplifað "aðstoðina" sem árás og varið mig. Verið samkvæmur sjálfum mér og fæ til liðs við mig sálfræðinga sem segja að ölvun valdi rangtúlkunum og skynvillum, og að fólk sem hafi gert eitthvað út úr karakter (t.d. að lemja fólk, ég er friðelskandi maður), búi til nýjar minningar til að gera raunveruleikann bærilegan.

Hingað til hafa menn verið dæmdir sem hafa brotið gróflega gegn öðrum undir áhrifum vímuefna. Vímuefni hafa hingað til ekki talist til afsökunar né heldur eihverjir hugarburðir eftirá.

Þetta er magnaður dómur í raun. Þarna er Héraðdómur að segja í raun að vegna ölvunar eða dópneyslu er það bara trivial að ásaka saklausa menn um nauðgun.

Sýknuð af ákæru fyrir rangar sakargiftir

Eru þetta hryðjuverk?

Af wikipedia: http://is.wikipedia.org/wiki/Hryðjuverk

 Hryðjuverk er umdeilt hugtak án nokkurar almennt viðurkenndrar skilgreiningar. Algengast er að hryðjuverk sé talið hver sú árás sem af ásetningi er beint gegn almennum borgurum til ógnunar sem framin er í þeim tilgangi að ná fram stjórnmálalegum eða öðrum hugmyndafræðilegum markmiðum.

Maður veltir fyrir sér hvort þessi árás á Rannveigu Rist sé í raun, skv. ofangreindri skilgreiningu, hryðjuverkaárás. Það væri nú aldeilis glæsilegt skref fram á við fyrir Saving Iceland, að verða skilgreind sem hryðjuverkasamtök. Því í mínum huga er það algerlega á kristaltæru að þarna voru aðilar á ferð tengdir Saving Iceland. Hvort samtökin sjálf séu bendluð við þetta er annað mál.

Ef hægt er að setja Hells Angels undir hatt glæpasamtaka, af því að einstaklingar innan þeirra raða fremja skipulagða glæpi, þá á sama tenging við Saving Iceland ef einstaklingar innan þeirra raða fremja hryðjuverk/skemmdaverk/ofbeldisárásir í nafni málstaðarins.

Ég hallast reyndar sjálfur að því að það sé doldið loðið að setja beint samansem merki milli samtaka/hóps og einstaklinga innan hópsins, en það breytir ekki því að þetta er í dag doldið trendið, að setja bein vensl þarna á milli. 

Saving Iceland á ferðinni?

Af hverju hugsa ég til VG Saving Iceland þegar ég hugsa um hver hafi staðið að þessu?

Mér fannst þau nokkuð töff fyrst, Saving Iceland, en sú brenglun er horfin. Þetta fólk treður sínum skoðunum ofan í kokið með ofstækislegum aðgerðum og ég er löngu hættur að fíla það. Sérstaklega þegar ég sá frétt þar sem ein þeirra lýsti því af hverju hún væri að fara í fangelsi út af dómi vegna aðgerða hennar fyrir austan. Sá þá berlega að í rökhuxun er ekki heil brú í þeirri annars ágætu konu. Huglægt mat togað og teygt til að afsaka hvað sem er. Eitthvað sem er ólöglegt.

Ég vona að þetta hafi ekki alvarlegar afleiðingar fyrir Rannveigu og að þeir sem eru að stunda þessar árásir fari nú að láta af þeim. 

Fékk sýru í andlitið

Þetta var ekkert jeppi!

Þar sem ég og fjölskyldan var að borða skonsur í morgunmat horfðum við á aðgerðir lögreglu og slökkviliðs niðri í fjöru, 300 metra frá okkur. Og þessi bifreið var af gerð á borð við Daewoo eða Hyundai, venjuleg bifreið. Ekki jeppi. Enda hefði jeppi ekki fest sig þarna en framhjóladrifin bifreið á sumardekkjum festir sig auðveldlega (það hef ég prófað sjálfur) í sandinum í fjörunni.

Krókur kom með bifreið sem tók þennan bíl og fór með hann. Ég tók að sjálfsögðu myndir af þessu með EOS 400 myndavélinni minni og 200mm aðdráttarlinsu.

Bifreið dregin upp úr sjónum