Mun þessi skóli taka á jafnrétti eða bara kvennréttindum?

Það hefur verið stefna og einkenni jafnréttisumræðunnar að þegar hún fer af stað í öllu sínu veldi er bara talað um eina hlið jafnréttis, þ.e. laun og stöður kvenna, eða frekar hvernig hallar á konur í þeim málaflokki. Lítið hefur farið fyrir hinni hliðinni sem hallar á okkur karlmenn, sifjamál.

Nú nýverið kom berlega í ljós hversu afskaplega lítill vilji er á meðal forkólfa jafnréttismála til að bæta úr þessum málum. Kristín Ástgeirsdóttir sagði óbeinum orðum í viðtali við Fréttablaðið að lítið sem ekkert yrði gert í þessu þegar hún tók við sínu starfi. Femínistafélagið hefur gert akkúrat ekkert í þessum málum, og einn af háværustu femínistum landsins, Kolbrún Halldórsdóttir, fór vægast sagt miður réttlátum orðum (pdf) um Félag áhugafólks um Foreldrajafnrétti (eina félagið á landinu sem hefur yfirlýsta stefnu að bæta hag forræðislausra foreldra) á Alþingi nú nýverið.

Bara svona til að fólk skilji hversu stórtjónaður samanburður á tölfræðinni er, þegar jafnrétti kynjanna ber á góma, og þau mál sem varða hvort kynið fyrir sig. Kannanir og rannsóknir sýna að kynbundin launamunur sé á milli 12%-16%, þ.e. munur sem er ekki útskýrður með öðru en kyni, þegar tillit hefur verið tekið til allra þátta. Á svipuðum tíma hefur Jóhanna Sigurðardóttir sagt í ræðu að "Samkvæmt upplýsingum frá Hagstofunni var fjöldi skilnaðarbarna hér á landi á síðast liðnu ári tæplega 1.200. Á árabilinu 1997–2006 eru alls um 17.800 börn skráð sem skilnaðarbörn hjá Hagstofu Íslands. Þar af bjuggu 739 hjá körlum og 17.066 hjá konum. Þetta eru athyglisverðar tölur svo ekki sé meira sagt." Sem sagt, 4,2% á móti 95,8%, konum í vil.

Ég hlakka til að sjá áherslurnar hjá þessum skóla. Og vona að hann geri það sem fáar stofnanir og félög hafa gert hingað til, sem hafa verið stofnuð utan um jafnrétti, og það er að taka báðar hliðar af kostgæfni og metnaði, ekki bara aðra. Ef ekki, þá verður þetta bara enn eitt kvennrembusetrið í faglegum fötum og með faglega titla.

Skrifað undir samkomulag um jafnréttisskóla

Auðvitað ekki, þetta er Ferrari

Ferrari hefur alltaf verið á sérsamningum þegar kemur að úrskurðum hjá FIA. Fengið minni refsingar en aðrir en þegar þeir kæra stekkur FIA til og dæmir þeim í hag. Þetta hefur skemmt íþróttina mikið, finnst mér. Og skömmin var toppuð í fyrra í njósnamálinu. Ferrari, sem njósnar um aðra eins og aðrir njósna um þá, kærði McLaren því þeir gátu ekki unnið titil bílasmiða á brautinni. Ekta ítalskt, láta sig detta í vítateig og vinna heimsmeistaratitla í dómssölum. Og eiga dómara FIA.

Annars var Sutil alveg frábær í þessari keppni. Raikkonen má skammast sín fyrir að eyðileggja þetta fyrir honum með fádæma klaufaskap. En hefði þessu verið öðruvísi háttað, Sutil keyrt aftan á Ferrari, þá hefði hann sko fengið refsingu, það eru hreinar línur. Það má ekki styggja þessa eigendur FIA.

Aðhafast ekki gegn Räikkönen

Það sem R-listinn mátti má Ólafur ekki. Hræsni? ÓJá.

Fjölmiðlar og í borgarstjórn fer núna hamförum yfir ráðningu Jakobs Frímanns Ármannssonar. Kristín Einarsdóttir, fyrrum þingmaður Kvennalistans og vinkona Ingibjargar Sólrúnar Gísladóttur, var ráðin sem miðborgarstjóri með nákvæmlega sömu aðferð fyrir nokkrum árum síðan. Og var greinilega með sömu kjör.

Ekki fór Dagur B. og co í minnihluta borgarstjórnar né fjölmiðlar hamförum þá. Neeeiiii. Allt í sóma í Oklahóma ef vinstra liðið ræður vini sína á jötuna án auglýsinga. Því má bæta við að Kristín Einarsdóttir var fyrsti miðborgarstjórinn.

Fagnar ráðningu Jakobs Frímanns

Þetta kallar maður að breyta innan frá!

Ég hef lengi haft mikið dálæti á Stefáni Pálssyni og haft óskaplega gaman af því að hlusta á hann og lesa skrifin. Og já, þetta er undarlegt, því ég er harður Sjalli og frv. atvinnuhermaður. Ég er oft á tíðum sammála Stefáni enda er hann mjög duglegur að tjá sig um alls kyns mannréttindamál og réttlæti almennt.

En það sem ég dáist hvað mest af í fari hans eru heilindi hans og alger trú og staðfesta í sínum málum. Og núna ætlar hann að láta á það reyna að vinna að hugðarefni sínu, friði, innan frá í stjórnsýslunni. Bravó!!! Þetta er alger snilldarhugmynd hjá Stefáni.

Um daginn gerðist það að Björgólfur Thorsteinsson, formaður Landverndar, ákvað að taka ekki sæti í stjórn Landsvirkjunnar, vegna óánægju meðal aðila innan Landsverndar. Þetta þótti mér alveg óskaplega heimskuleg niðurstaða, því hvar er betra að koma fram áherslubreytingum í umhverfisverndarátt hjá Landsvirkjun en einmitt í bæli dýrsins, í stjórn? Þetta var svona álíka heimskulegt og þegar læknir segir að aðgerð hefði heppnast en sjúklingurinn hefði látist.

Nú ætlar Stefán að taka rétta vinkilinn á þetta og vinna að breytingum í utanríkismálum skv. hugsjónum sínum, innanfrá, þar sem hann getur svo sannarlega haft áhrif.

Og ég man enn þann dag sem ég sagði við sjálfan mig: "þetta er sko staðfastur náungi sem gefst ekki upp, glæsilegt". Það var fyrir nokkrum árum að herskip kom hér til Íslands og fréttastofa RÚV fann Stefán, einan með mótmælaskilti, niðri á höfn. Hann var þarna aleinn, að mótmæla komu skipsins, og stóð sína pligt í 2-3 tíma.

Þetta heitir að missa ekki sjónar af sínum hugsjónum eina einustu mínútu, og fara alla leið!

Formaður SHA sækir um forstjórastarf Varnarmálastofu

Tækifæri í vandamáli

Ég sé þarna gullið tækifæri til að bjóða einkaaðilum í samstarf um þessar skurðaðgerðir. Það eru unnar tugir ef ekki hundruðir minni háttar skurðaðgerðir af einkaaðilum út um allan bæ á hverjum degi. Fór sjálfur í eina slíka í janúar. Af hverju ekki líka á Landspítalanum? Það er ekki eðlismunur á þessu, bara stigsmunur.

Spítalinn leigir, eða skaffar, húsnæðið, einkaaðilar taka að sér verkin skv. pöntun spítalans og sjá um launagreiðslur t.d. til sín og sinna starfsmanna, þar á meðal skurðlæknahjúkrunarfræðinga. Spítalinn borgar verkið eins og áður en fólkið sem vinnur verkin er ekki á launaskrá spítalans heldur hjá einkafyrirtæki.

Í þessum erfileikum er tækifæri! Og að halda að hjúkkurnar stöðvi landspítalann er bara út í hött. Það er til lausn á öllu.

Geislafræðingar hætta

Sjóræningarnir eiga ekki von á góðu ef GIGN fer inn

Úff, ég vona að það komist friðsamleg lausn á þetta mál. Eitt veit ég um þetta. Ef GIGN fer í hart þá verða sjóræningjarnir ekki í góðum málum. Mér er sama hversu vel búnir þeir eru, sjóræningjarnir, þeir eiga ekki minnstu smugu, ekki roð, ekki séns, á að geta nokkuð á móti GIGN. GIGN hefur þegar sannað getu sína í gíslatökumálum, frelsuðu gísla á Marseille flugvelli út úr flugvél og úr höndum flugræningja, án mannfalls á meðal farþega. Þetta eru hörkugaurar. 

Frakkar hvattir til að ráðast á sjóræningja

Hann lýgur þessu!

Ef menn skjóta af byssu milli skipa, og ætla að hitta eitthvað annað en sjóinn, gera þeir það með riffli. Riffillskot stoppar ekki á venjulegum skotheldum vestum, það fer í gegn öðru megin og út hinum megin sem smjör sé, og skaðar að sjálfsögðu þann sem í vestinu er. Eina leiðin til að stöðva riffilskot er þegar kevlarplötum er raðað á vestið. Og mig grunar sterklega að Hr. Paul Watson hafi ekki verið í slíku því það er bæði mjög þungt og einnig mjög heftandi fyrir hreyfingar. Þekki þetta ágætilega, var í svona vestum svo mánuðum skipti við friðargæslu, bæði í frv. Júgóslavíu og svo í Mið-Afríkuríki. Vestið fullhlaðið kevlarplötum er u.þ.b. 15 kg.

Einn félagi minn í frönsku útlendingaherdeildinni féll í skotbardaga þó hann hafi verið í vesti, kúlan fór í gegn því hún lenti einmitt á stað þar sem ekkert kevlar var til að verja gegn rifflum.

Af einhverjum sökum grunar mig að Paul Watson hafi ekki verið í neinu vesti. Hafi hann verið í vesti, með kevlar plötum, og fengið kúlu í sig, þá er hann ekki bara meiddur, með brotin rif, heldur verður auðvelt fyrir hann að sanna þetta þegar í höfn kemur.

En sporin hræða og ég trúi ekki orði sem þessi maður né þessi samtök segja.

Online poker Free online poker games, tournaments, rules
hollidaycasino.com hollidaypoker.net dochollidaypoker.com

Varð Paul Watson fyrir skoti?

Eigum við ekki að mæra Helförina líka?

Japanir voru viðbjóðslegir við þær þjóðir sem þeir hernumdu í síðari heimstyrjöldinni. Einnig komu þeir fram við fanga sína af einstökum viðbjóði. Þar af leiðandi þykir mér það alltaf orka tvímælis þegar Japanir fara í þetta hof, til minningar um japanska hermenn úr síðari heimstyrjöldinni. Það væri stigsmunur, ekki eðlis, ef Þjóðverjar væru með hof til minningar þýska hernum, þar sem minnst væri t.d. þeirra S.S. foringja sem hvað harðast fóru fram í Helförinni.

Ef einhver er í vafa um stríðsglæpi Japana, og þá skömm sem þeir bera, vil ég benda á fræðslumynd sem heitir "The rape of Nanjing" um svokallað Nanking Massacre. Þar er útlistað hvernig Japanir murkuðu lífið úr íbúum kínverskrar borgar, Nanjing, svo mánuðum skipti. Skemmtu sér við að finna nýstárlegar aðferðir til að murka úr fólki lífið á hvað kvalarfyllsta máta og stunduðu í massavís alla þá stríðsglæpi sem hvað fyrirlitnlegastir eru. Og nota bene, allt með vitund og samþykki Keisarans og hans nánustu. Sem, nota bene, fengu sakaruppgjöf við uppgjöf Japana.

The Rape of Nanjing, 1. hluti
The Rape of Nanjing, 2. hluti

Það er einnig skrifað um þetta á Wikipedia

Framdi sjálfsvíg fyrir framan japanska þingið

Hverjum kemur það á óvart að kennarar séu á móti?

Ef verið er að koma með nýjungar í kennsluháttum, þ.e. stjórnvöld og sveitarfélög (þúst, fólkið sem rekur skólanna), þá er það vaninn að KÍ (stéttafélagið), eða undirsambönd undir þeirri regnhlíf (samtök starfsmanna skólanna), koma með yfirlýsingu þar sem slíku sé mótmælt, eða varað eindregið við.

Það er stefna Sjálfstæðisflokksins að reyna að útskrifa fólk úr framhaldsskólum fyrr en nú er gert og þannig reyna að ná í hælana á nágrannalöndum okkar. En það er sama hvað gert er, alltaf eru kennarar á móti. Þeir voru á móti því að stytta framhaldsskólann um eitt ár, enda var sú tilraun skítamix sem árangur þess að finna lægsta samnefnara í verkefni í samstarfi við KÍ.

En nú er verið að prófa að byrja námið fyrr, kenna innsetningu stafa fyrr, flýta stúdentsprófinu hinum megin frá. Og þetta er allt hægt, þetta er búið að vera gert í Ísaksskóla um áratuga skeið, foreldrar kenna börnum sínum að lesa áður en grunnskólinn hefst. Ég var sjálfur vel læs þegar ég fór í sex ára bekk á sínum tíma. Þetta er ekkert nýtt. En enn eina ferðina eru kennarar á móti.

Ég verð að gjöra svo vel núna og fara heim og segja fimm ára dóttur minni, sem er að nálgast það að vera fluglæs, að hún verði að hætta þessari vitleysu, að ná forskoti á námið og lífið, og fara að leika sér. Kennarar nefnilega vilja það!

Það væri gaman af því ef önnur stéttarfélög hegðuðu sér svona. Ef t.d. SÍB (nú SSF) myndu mótmæla í gríð og erg vinnu Seðlabankans. Eða koma með álit sitt á starfsemi bankanna, hvernig áhættugreining er unnin o.s.frv. Hvað ætli bankastjórarnir myndu segja þá? Ef eitthvað!

Leikskólakennarar andvígir 5 ára bekkjum

Auðvitað er þetta innan valdheimildar stjórnar. Bísness as júsúal

Hæstiréttur og héraðsdómur hefur nýlega skorið úr um, ekki einu sinni heldur tvisvar, að svona baktjaldarmakk þar sem almennir hluthafar eru attaníossaðir af stórum hluthöfum, er bara "Bisness as jusual". Bæði í Baugsmálinu og líka í ÍAV málinu.

Stjórnarmenn og stórir hluthafar mega plotta og hafa af félagi peninga bak við tjöldin eins og þeim sýnist. Þetta er bara á kristaltæru.

Og mér finnst það ömurlegt.

Segir kaup á hlutabréfum innan valdheimildar stjórnar