Mikið um ekkert enn eina ferðina.

Enn og aftur, enn eina ferðina, segir Jóhanna ekkert í nokkrum setningum. Ekkert. Engar lausnir, engar áherslur, ekkert. Samt var sérstaklega beðið um að hún myndi nú segja eitthvað.

Ah, jú, hún segir að búið sé að koma "okkur" í þessa stöðu. Bíðum við, var hún ekki ráðherra í stjórninni sem kom "okkur" í þessa stöðu?

Ætlar hún að komast hjá því að segja nokkuð með því að benda á eitthvað annað verra? Jóhanna hin hvíta?

Pólitík snýst um að segja ekkert, fullt af engu, en muna að ef eitthvað er sagt, þá kenna öðrum um.

Vá hvað við erum fucked!

Þessi stjórn ætlar að gera það sem síðasta stjórn gerði líka: Segja ekkert, ekki gefa neitt upp nema almennar skýringar. Engar lausnir, engar áherslur. Enginn almennilegur niðurskurður. Sást best þegar fyrsti fundur ríkisstjórnar var haldinn á Akureyri, flogið norður með allt liðið til þess eins að sýna sig og sjá aðra.

Barði maður potta niðri á Austurvelli fyrir þetta vonleysiskjaftæði? Eru þetta heimturnar?

Róttækar og erfiðar ákvarðanir

Fyrsta sæti - án kostnaðar

Þetta var frábær keppni. Nokkuð mikið af góðum lögum og sæmilega mikið af holdi sást. Og við unnum -án kostnaðar.

Nú þurfa Norðmenn að punga út fimm milljörðum eða svo næsta ár til að halda keppnina. Ekki við.

Jóhanna Guðrún stóð sig rosalega vel, allur hópurinn reyndar, og lagið er hörkugóð ballaða. Þetta er allt að koma, við erum aftur að verða best í heimi. Án kostnaðar. 

Ísland í 2. sæti í Moskvu

Ah, held ekki. Fór sjálfur á einleikstónleika þegar ég var krakki

Einir fyrstu tónleikarnir sem ég fór á sem barn var með mömmu. Við fórum í Háskólabíó og ég, vanur að sitja aftast í bíó, krafðist þess að sitja aftast líka á þessum tónleikum. Big mistake. En samt, þetta voru einleikstónleikar þó ekki muni ég hver var að spila.

Ég á tvo miða á tónleikana hans Víkings Heiðars á sunnudaginn og ætla að taka þá manneskju sem hefur haft mest áhrif á mig í tónlistarnámi mínu í æsku, ömmu mína, með mér. Hún á það svo sannarlega skilið, sú heiðursfrú.

Já, maður missir ekki af svona tækifæri. Að heyra Víking spila sínar eigin útsetningar á íslenskum lögum (Ave María eftir Sigvalda Kaldalóns  er frábær hjá honum). Og ekki spillir að hann ætlar að spila fjögur verk eftir Chopin, m.a. Ballöðu nr. 4, frábært verk og eitt fallegasta píanóstykki sem ég hef heyrt.

 Cziffra plays Chopin Ballade no.4 op.52

Btw, þá fór ég á tónleika Víkings Heiðars þegar hann kom hingað til lands og spilaði Rach 3. ALGER SNILLD!!! Skrifaði um það hér.

Maður fór á nokkra svona tónleika í þá daga. Fór á allavega tvo tónleika Martins Berkofsky, í Þjóðleikshúsinu minnir mig, og svo Evgeny Kissin líka.

Það er alger munaður að fara á svona tónleika. Og ég ætla dekra við eyrun mín á sunnudaginn. Og eyru ömmu.

Víkingur Heiðar brýtur blað

"Byggja upp atvinnuvegi" stóð í stjórnarsáttmála

VG er þarna að sýna sitt rétta andlit. Á móti iðnaði, á móti orkuvirkjunum (hvers konar) á móti olíuvinnslu, á móti hvalveiðum, á móti.... og listinn heldur áfram og áfram og áfram. Nei, setjum frekar skatta og skatta og skatta. Neysluskatta t.d. til að stýra neyslu (tíkall á kóklítran).

Hvað sagði í stjórnarsáttmálanum? Búa til störf? Styrkja atvinnulífið? Með hverju? Lofti?

Til hamingju Ísland með vinstri stjórnina. Sem er föst í 2007 lúxusafstöðu.

Það er ágætt að hugsa ekki mikið um pólitík þessa dagana og gleyma sér í pólitískri fáfræði. Annars grípur mann bara ofsaótti, skelfing og vonleysi, því ekki virðist þessi ríkisstjórn hafa nokkur úrræði sem bíta á kreppuna þessa dagana. Nema ESB. Sem er ekki lausn heldur lyfleysa.

Neitar að staðfesta breytingar á skipulagi

Gott að hafa forgangsatriðin á hreinu

Já, Ungir Vinstri Grænir vita hvað snýr upp og niður í samfélaginu í dag. Þvagfæri beigí. Þvagfæri. Ekki efnahagsmál, gjaldeyrismál, siðferði, heimilin, skuldir, atvinnuvegirnir. Nei,kyn þeirra sem eru ráðherrar. Ekki hæfni, hæfileikar, þekking þeirra né menntun. Ekki hvort möguleiki hvort þetta blessaða fólk hafi glóru um hvað þau eru að gera (svona eins og Björgvin og Geir höfðu ekki hugmynd í aðdraganda hrunsins). Nei, það sem skiptir máli eru hvort þetta fólk sé til jafns konur og karlar.

UVG. Magnað fólk.

Ósátt við kynjaskiptingu í ríkisstjórn

Til hvers þá að fara í ESB viðræður?

Þetta eru merkileg tíðindi. Fyrir kosningar var ég alveg harður á því að við ættum að fara í viðræður við ESB um aðild, og er reyndar enn. En það er þá aðallega til að komast í örugga mynt, Evru. Við erum með aðgang að markaðnum, erum með mikið af reglum ESB. En skv. þessum fréttum er Evran á sjóndeildarhringnum þegar ég kemst á ellilífeyri. Og þá spyr maður: Er þá ekki þessum aðildarviðræðum bara sjálfhætt ef ávinningurinn er lítill? Ef Evran, aðalþungi aðildarviðræðna, er ekki á döfinni í einhverja áratugi?

Nú er lag fyrir fréttamenn að spyrja Evrópusérfræðinga hvort þetta sé ósveigjanlegt ákvæði og hvort verið sé að miða við brúttó eða nettó skuldir. 

Skuldir ríkisins langt yfir viðmiðunum ESB

Hvað varð um hæfi?

Ég ætla ekki að segja að ekki finnist hæfar konur sem ráðherrar, alls ekki, en af einhverjum sökum finnst mér sem þvagfæravægi, í jafn mikilvægar stöður og ráðherrastöður eru, sé svoooooo 2007. Hæfi, hæfni og geta einstaklingsins á að ráða í þessu árferði. Ekki þvagfærin.

En hún frænka ætti kannski að hugsa til þess, svona að gamni, að VG var með kynjakvóta í öllum kjördæmum nema hennar, í Reykjavík. Af hverju ætli það hafi verið? Vegna þess kannski að margar konur voru mjög ofarlega á listum í Reykjavík og því hefðu þær þurft að víkja fyrir körlum? Hmmmmm.... Já, fórnalambafemínisma er hægt að bregða fyrir sig þegar hentar, en ekki þegar hentar ekki. 

Karl stendur upp fyrir konu

Hryllileg afsökun og getuleysi blaðamanna

"Jóhanna Sigurðardóttir sagði í gær að ríkisstjórnin myndi ekki taka hærra hlutfall af vergri landsframleiðslu til sín í gegnum skattkerfið en ríkisstjórn Geirs H. Haarde hefði gert í góðærinu."

Vá, og dettur fréttamönnum ekkert í hug að kafa betur ofan í svona rugl í hæstvirtum forsætisráðherra?

Þegar fé og hlutir ganga kaupum og sölum minni manna tekur skatturinn sitt. Þegar fólk ávaxtar fé sitt tekur skatturinn sitt af því. Þegar fólk flytur inn vörur tekur skatturinn sitt (tollar, vörugjöld o.fl.). Þegar fólk kaupir hús eða tekur lán vegna þess tekur ríkið sitt (stimpilgjöld o.fl.)

Í góðærinu var allt á fullu og hver snerting í kaupum og flutningum fés kostaði skattlagningu. Þetta háa hlutfall á tekjum ríkissjóðs af þjóðarframleiðslu var einmitt vegna brjálæðisins. Sá skattur sem fólk borgaði sjálft með matvörukaupum og í tekjuskatti var bara lítill hluti af þessu 50% af vergri þjóðarframleiðslu.

Núna er allt frosið. Neyslan hefur hrapað, innfluttir bílar eru nærri 0. Byggingavinna hefur nærri stöðvast. Fasteignamarkaður er steindauður nema þegar kemur að breytingum á eignahlutfalli eða húsaskiptum. Fjármagnstekjur (og skattur af þeim) eru brotabrot af því sem var.

Og Jóhanna slær þessu fram sí svona  að "ríkisstjórnin myndi ekki taka hærra hlutfall af vergri landsframleiðslu til sín í gegnum skattkerfið en ríkisstjórn Geirs H. Haarde hefði gert í góðærinu" og að sjálfsögðu fara "blaðamenn" þessa lands ekkert að fara að eltast við þessa fullyrðingu né heldur að kafa betur ofan í hvað þetta þýðir í því sem skiptir máli: Skattaprósentu sem almennir borgarar borga af launum sínum og matarkaupum!!!!!!!  Því þessar tölur voru sannarlega lækkaðar af Geir H. Haarde í góðærinu þó sveitarfélögin hafi sett útsvarið í botn.

Já, magnað hvað maður er ekki hissa á svona andskotans heilaprumpi (e. brainfart) úr ranni ríkisstjórnarinnar. Og auðvitað væri það til of mikils ætlast að "blaðamenn" færu að spyrja erfiðari spurninga og krefjast alvöru svara í stað froðu að hætti Dags B, varaformanns Samfylkingarinnar, sem er listamaður í því að hjúpa svar sitt með froðu, reyk og heitu lofti þannig að hvergi sést í staðreyndir né í raunverulegt svar við spurningu.

Kynna skattahækkun eftir helgi

Það þýðir ekkert að "reyna", ömurleg niðurstaða ef satt reynist

Samfylkingin fór fram í kosningarnar með ESB að leiðarljósi. Ekkert hálfkák, ekkert kjaftæði. En hvað svo? Þau ætla að "reyna". "Reyna"? Þessi leið er bara bull og vitleysa, það veit hver sem vita vill og hefur einhverja hugmynd um hvað markmiðasetning gengur út á og að ná þeim markmiðum.

Að reyna? Ætli það fólk sem hefur náð markmiðum sínum hafi ætlað að reyna? Eða ætli það hafi ákveðið, "Ég skal!"?

Eitt veit ég, árið 2000 ákvað ég að ég skyldi fara í HR í tölvunarfræði og ég skyldi klára BS. Ég ætlaði ekkert að reyna, ég ætlaði og ekkert kjaftæði. Það tókst að sjálfsögðu. Í fyrra ákvað ég að ég skyldi upp á Hvannadalshnjúk, ég ætlaði ekkert að reyna, ég skildi. Og það varð. Að sjálfsögðu! Þeir sem ætla að "reyna" þeir reyna. Og tekst ekki oft á tíðum. Ef menn fara af stað með hálfkarað hugarfar, brothætt og viðkvæmt, þá klikka menn við minni mótspyrnu en ef þeir fara af stað með eiturharðan vilja og ásetning.

Ætlar Samfylkingin núna að bjóða okkur upp á að hún ætli að "reyna"? Og þá takast ekki? Því þessi "reyna" leið er dauðadæmd fyrirfram. Það sést á ummælum Bjarna Ben og Steingríms J. Við sáum í stjórnarskrármótstöðu Sjalla að þeir "reyna" ekkert, þeir ætluðu að stöðva það mál og það tókst. Nú segir Bjarni að hann "ætli" að stöðva það sem Samfylkingin ætlar að "reyna".

Ætli ég veðji ekki á Sjalla í þessu máli.

P.S.
Ég byrjaði að reykja 13 ára með fikti og reykti til þrítugs, 2001. Hafði oft REYNT að hætta, klikkaði alltaf. En einn dag 2001 ÁKVAÐ ég að nú væri þetta orðið andskoti gott, ég SKYLDI hætta núna. Og það tókst. Að sjálfsögðu. Enda fann ég mun á sjálfum mér strax  eftir þá ÁKVÖRÐUN, miklu einbeittari og með miklu skýrara markmið. Ætlar Samfylkingin að REYNA að komast í gegnum þingið og til ESB?

Kemur ekki til greina

Það er ekkert mál að brjóta stjórnarskrá...

...því Jóhanna Sigurðardóttir beygði all hressilega í besta falli stjórnarskrá Íslands þegar hún setti hinn nýja og æðislega Seðlabankastjóra, þá nýbúin að vera dæmd fyrir rétti fyrir að brjóta landslög vegna brottreksturs opinbers starfsmanns.

Það var að mér fannst svo brandari að svo skyldi hún snúa sér við, nýbúin að vera dæmd fyrir lagabrot, og nýbúin að beygja, eða brjóta, gegn stjórnarskránni, og fara af stað í að setja fram, tja, eigum við að segja "illa orðaða" stjórarskrárbreytingu.

Það er alveg magnað að horfa uppá getuleysið í fólkinu sem kom í staðinn fyrir "vanhæfu ríkisstjórnina". Slær sér á brjóst í réttlætiskasti en getur lítið betur gert þegar á hólminn er komið.

Kröfuhafar hinna bankanna, Landsbankans, Glitnis og Kaupþings hafa ekki hafið mál gegn ríkinu vegna neyðarlaganna, sem stjórn Sjalla og Samfó setti. Miklu miklu miklu hærri upphæðir þar í gangi þó. En SPRON yfirtakan hjá FME virðist vera algert klúður, eða eins og ég segi oft, skitið upp á bak í beinni. Þau voru á góðri leið með að semja við lánadrottna og hvað gerir ríkisstjórn hinnar heilögu Jóhönnu? Rústar því!

Magnað að vera vitni að þessu rugli. Það er sama hvert litið er, við eigum bara ónýta stjórnmálamenn. Nema kannski Borgarahreyfinguna, en ekki byrjar þetta þó sannfærandi hjá Þránni Bertelssyni með sín heiðurslaun.

Segja yfirvöld brjóta stjórnarskrá