Holland er yndislegt land

Við spúsa vorum að koma heim frá Hollandi á fimmtudaginn eftir tæplega  viku dvöl þar. Farið til Amsterdam, síðan Delft, smá visitering til Den Haag, og svo Schipol og heim.

Af þessum borgum þótti mér Delft fallegust. Hrein, stílhrein og óspillt af auglýsingaskildabrjálæðinu sem einkenndi t.d.  miðbæ Haag.

En það var tvennt sem vakti athygli mína, og það var ekki strax sem það varð. Hvergi sá ég ósnerta náttúru. Og af öllum þeim þúsundum hjólreiðarmanna sem ég sá þarna (Hollendingar hjóla gífurlega mikið) sá ég fimm (5) með hjálm.

Er það eitthvað sem Hollendingar vita sem við Íslendingar erum að misskilja? Allavega, þegar ég hjóla í vinnuna þá er ég sjaldnast með hjálm. Líklega Hollendingurinn í mér.... 

Þetta er bara snilld.

Af einhverjum sökum finnst mér þetta alger snilld. Ég tek ávallt hattinn ofan fyrir þeim sem á löglegan máta snúa á skattmannhelvítið, sem slefandi eltist við fé manns.

Það skemmir þó ánægju mína á þessum gerningi nafna míns að þarna er einn af þeim dusilmönnum á ferð sem steypti þjóðinni í algert bál, knúið af eigin græðgi. Skildi ríkið eftir með 650 milljarða skuld vegna eigin mistaka, græðigi og ég veit ekki hvað, en sneiðir svo hjá sköttunum sem fara í að borga ruglið eftir hann.

I feel conflicted over this... 

Sigurjón lánaði sjálfum sér fé

Er þetta "glæsilega niðurstaðan" sem við áttum von á?

Tja, þetta eru blendnar fréttir. Kannski var þessi vondi samningur sá eini sem við áttum séns á, fyrst farin var sú leið að rengja ekki ábyrgð ríkisins á þessum innlánum.

En okkur til huggunar þá eru lán í London að tikka inn afborgunum á lánasafni Landsbankans. Það var í fréttum um daginn að það komu inn 50 milljarðar á sex mánuðum á þessi lánasöfn. Þannig að kannski eru til eignir fyrir þessu öllu.

En það er þó forvitnilegt að vextirnir skuli vera 5,5%. Meira en íbúðalán bera.

Þetta eru þá s.s. góðu fréttinar. Hverjar eru þá vondu fréttirnar sem Jóhanna og co vilja ekki láta þjóðina vita af? Enn meiri barsmíðar á heimilum og fyrirtækjum, barsmíðar með skjaldborgum Jóhönnu?

Engin Icesave-greiðsla í 7 ár

Hvernig fór Baugsmálið?

Í Baugsmálinu fræga var kært fyrir umboðssvik og ólögleg lán. Sýknað fyrir allt saman eða vísað frá.

Þetta á eftir að fara eins. Hæstiréttur sagði að þetta væri "bara business".  Þannig að ég hef ekki miklar áhyggjur af því að Hannes Smára fari að verma bekki á Kvíabryggju.

Umboðssvik og ólögleg lán

Fínt að það var ekki Þorvaldur Gylfa...

...því þá var maður bara að mótmæla við Seðlabankann til að losna við rammpólitískann seðlabankastjórna til að fá annan rammpólitískann (komma) í staðinn. Og þ.a.l. óhæfan einnig.

Vona að nú verði seðlabankastjórinn valinn á faglegu nótunum, ekki pólitísku. Og engin stjórnarskrá verði beygð/brotin við skipun/setningu hans.

Már og Arnór metnir hæfastir

Magnaðar fréttir og áhugaleysi fjölmiðla

Það var fjórða frétt á Stöð 2 áðan að félög tengd Bjöggafeðgum og JÁJ styrktu Samfylkinguna um 40 millur 2006.

30 millurnar frá FL Group gerðu allt vitlaust hérna fyrir kosningar en þessi frétt er fjórða frétt. Og á eftir að deyja fljótt. Enda "blaðamenn"  á Íslandi með eindæmum vinstri sinnuð helvíti. Það er búið að vera opinberað margoft.

Já, hræsni, tvískinnungur og Samfylkingarsleikja "fréttamanna" er sorgleg. Hreint út sagt sorgleg. Það sem sjallar eru krossfestir fyrir (réttilega) er varla minnst á þegar Samfylkingin gerir sama eða verra.

En að sjálfsögðu var beðið með þessar fréttir fram yfir kosningar. Að sjálfsögðu. Munum þetta bara í næstu kosningum. Því ekki munu "blaðamenn" muna neitt, þessir aumingjar.

Fjölmiðlamenn landsins: Aumingjar!!!! og Samfósleikjur.  Rétt og rangt er afgangs, sannleikurinn er bara eitthvað til að skeina sér á í augum "blaðamanna". Flokksdrættingar, þeir skipta öllu.

Samfylkingin aflaði 67 milljóna styrkja

Mikill vill meira

Magnað helvíti, smábátasjómenn fá línuívilnun í gjöf fyrir nokkrum árum, 10% í viðbót af kvóta, og enn fá þeir viðbót.

Kvótakerfið ósanngjarnt? Tja, ekki virðist núverandi stjórn vita hvar sanngirnin liggur. 

Lengi barist fyrir frelsi til að veiða á handfæri

Erfiðar ákvarðanir, svona er þetta bara

Já, þau voru búin að segja okkur að þetta yrði erfitt. Og þetta er bara svona. Við þurfum að bíta á jaxlinn, taka slaginn í smá tíma og leggjast öll í það verkefni að koma skútunni af stað aftur.

Ekki er ég mikill stuðningsmaður þessarar ríkisstjórnar, en ég get engan veginn fengið mig til að bölva þessari hækkun. "A neccessary evil" eins og einhver sagði.

Mjög óvinsælar aðgerðir

Skjaldborgariddarar á ferð. Til hamingju Ísland!

Þetta er merkilegt. Ríkisstjórnarparið, Jóhanna og Steingrímur, hafa haft núna fimm mánuði til að forma hlutina, reisa þessa skjaldborg sína sem hún hefur hótað okkur með núna síðan hrunið varð. Hvað hafa þau gert? Jú, greiðslujöfnun. Váááá, lausnin er að taka þá sem gugna undan lánunum, sem hafa vaxið gífurlega undanfarin tvö ár (hvort sem íslenskt er erlent er), leiða skuldara sem gugnar fyrir gerðardóm með "tilsjónarmann", birta nafn viðkomandi í Lögbirtingarblaðinu ásamt þeim sem gjaldþrota eru, og niðurlægja á fleiri máta. Þetta eru lausnirnar sem komið hafa fram. Fyrirtækin eru núna yfirtekin af ríkisbönkunum eitt af öðru, og nú er það síðasta að berja með skjaldborginni á Exista, fyrirtæki sem er BÚIÐ að  semja við sína stærstu lánadrottna, sem og lífeyrissjóðina.

Já, það er ekki verið að reisa neina skjaldborg til annars en til að lemja okkur með henni. Og ekki gleyma því að þýskir innlánseigendur Edge eru líka að finna fyrir þessum barsmíðum. Það var búið að ganga frá greiðslum til þeirra, en hei, snillingarnir á Austurvelli fundu ónotaða skjaldborg og börðu á Þjóðverjum með henni og komu í veg fyrir þessa greiðslu með nýjum lögum um fjármálafyrirtæki.

Ekki ætla þeir að láta heldur þar við sitja heldur ráðast á helstu atvinnugrein landsins, og taka jafnt og þétt úr ranni hennar auðlindirnar sem keyptur hafa verið nytjaréttur að með tilheyrandi skuldsettningu. Núna er einmitt tíminn til slíks. Og þessir Hróu Hettir, skjaldborgariddarar, ætla svo að "gera eitthvað réttlátt" með þessa þjóðnýtingu, þó lítið hafi farið fyrir útfærsluhugmyndum. Já, lemjum á "sægreifum" og öðrum "auðjöfrum" (trillukarlar eru s.s. núna "sægreifar") með skjaldborgunum. Já, skjaldborgarriddararnir þekkja ranglætið (kvótakerfið) en hafa þau nokkra hugmynd um í hverju réttlætið er fólgið? Hvaða kerfi kemur í staðinn svo að "sægreifarnir" hinir vondu (trillukarlar t.d.) komist ekki úr skuldaviðjum? Lítið hefur nú farið fyrir því hvernig því verður hagað. Skjaldborgariddarar vita nefnilega ekki hvernig á að tala í lausnum og útfærslum. Þeir tala pólitísku, og þar má ekki nefna sannleikann, staðreyndir. Bara fara fram hjá óþægilegum spurningum, tala út og suður og nógu almennt að skjaldborgaskildir ná engum vörnum gegn skjaldborgahöggum. Skjaldborgafórnarlömb fá heldur engin svör við ánauð sinni og eymd. Bara fleiri skjaldborgahögg og -barsmíðar.

 Jóhanna, Steingrímur, Gylfi og aðrir stjórnarliðar eru hér með tilnefndir til reglu hinna dugmiklu skjaldborgariddara*.

 

*Skjaldborgariddari fer um í nafni réttlætis og jöfnuðar og lemur á veiku fólki og fyrirtækjum með skjaldborg, hertri í eitruðum og innantómum kosningaloforðum og annarri froðu.

Ráðuneyti skipta um nöfn og hlutverk

Skjaldborg á ferð

Er þetta ekki bara enn eitt dæmið um þá skjaldborg sem stjórnvöld nota til að berja á heimilum og fyrirtækjunum?

Vilja reka forstjóra Exista