Jamm, VG missir þarna af

VG hefur sýnt það í landstjórninni að vanhæfi, vangeta er alveg jafn mikil hjá þeim og hjá hinum. Einnig sú tilhneigin að raða sínum otintotum á öll embætti og sporslur. Ætli þau syrgi það ekki mikið.

En vissulega er gleðiefni að Gunnar sé farinn (þó það sé á endanum vegna verka sem líklega voru bara gáfuleg þegar allt er skoðað, þó ólögleg séu) . Tóti framkvæmdastjóri IKEA verður allavega glaður núna. Maður þarf að kíkja á kallinn og óska honum til lukku með að Gunnar sé farinn.

Viðhalda spillingu og eiginhagsmunapoti

Ætli vinstri sinnuð kona verði ráðin?

...bara pæla... VG og Samfylkingin eru nebblega svo rosalega fagleg og ópólitísk í ráðningum og setningum embætta þessa dagana. NOT!!!! Þvert á fyrri orð meðan þau voru í stjórnarandstöðu.

Fjórir sóttu um Útlendingastofnun

Svona er að eiga góða vini: Klíkuskapur

Það er magnað að vera búinn að vera vitni að klíkuskap og sjálftöku þeirra sem hvað mest æptu hér fyrir hrunið. Í 12 ár voru Framsókn og Sjallar í stjórn og röðuðu vinum og vandamönnum í feitar stöður. Allaballar, kommar og kratar voru að sjálfsögðu brálaðir og töluðu m.a. fjálglega um "faglegar ráðningar" og þar fram eftir götunum.

Kemst svo Samfylkingin ekki í stjórn og byrjar strax að raða inn "vinum og vandamönnum" í feitar stöður. ISG raðar vinkonum sínum í Flustöðina og svo í sendiherrastöður. VG gelta áfram enda í andstöðu. Kemst svo VG ekki til valda í kringumstæðum sem þau eflaust hefðu viljað komast hjá. En hvað um það, breytir ekki því að um leið byrnar innvinklun "vina og vandamanna" og "pólitískt hliðhollra" í feitar stöður. Eru Svavar Gests og Indriði skattmann bestu kandídatar til að semja um IceSave meðan reynsluboltar í alþjóðasamningum á borð við Aðalsteinn Leifsson sitja heima og gera ekkert? Ætlar einhver að segja mér það? VG núna raðar inn hliðhollum í stöður, nefndir, embætti og þar fram eftir götunum. Nákvæmlega það sama og þau bölvuðu í sand og ösku þar til fyrir tæplega einu ári síðan.

Ragnar Reykás anyone?

Einar Karl er í Landspítalanum og fleiri feitum stöðum BARA vegna þess að hann er fyrrum aðstoðarmaður Össurar. Ekkert annað. Kallinn er úti á túni þarna, veit ekkert um spítalarekstur og er settur þarna bara svo hann þurfi ekki að þiggja atvinnuleysisbætur. Já, hann er nebblega í geira sem verður fyrstur fórnarlamb í kreppu og samdrætti, almannatengsl og auglýsingastofur.

Við skulum bara muna að þessir pólitíkusar eru allir jafn óheiðarlegir og vinagóðir þegar kemur að skipunum í stöður og embætti. Nákvæmlega sama tóbakið á hægri og vinstri vængnum.

Einar Karl tímabundið í forsætisráðuneytinu

Er Gunnar kannski á réttri leið þarna?

Ég er Sjalli. Hef alltaf verið þó ég hafi nú ekki greitt þeim mitt atkvæði í síðustu kosningum. En umfram allt hef ég haft megnustu ísmugu á Gunnari I. Birgissyni í Kópavogi, siðferðislega séð. Það gleður nærri því mitt hjarta að sjá  hann núna riða til falls í Kópavogi. En hvað um það. 

Ég er ekkert svo viss um að þessi kæra FME til löggunar sé gáfuleg. Því ekki var LSR að fjárfesta gáfulega skv. sinni eigin fjárfestingastefnu sem okkar frábæru "blaðamönnum" dettur ekki í hug að spyra Ögmund betur út í (sjáið áhættusæknina sem Ögumundur þóttist ekki bera neina ábyrgð á)

Aftur á móti er erfitt að sjá hvað lífeyrissjóðurinn gat fjárfest í á sínum tíma sem var öruggt.

Það viðrist vera sem að lífeyriskerfið, og lög þar um, séu sniðin utan um ríkið og ríkið eitt er kemur að öryggi. En hvað með sveitarfélög? Þetta er bara doldið rugl, finnst mér. Og það virðist vera sem að það eitt að bölva Gunnari sé undanþága frá því að rökstyðja mál sitt með haldbærum rökum.

Einn "félagið" minn, apple á Málefnunum segir svo:
"Ef svo er, að Kópavogsbær ábyrgist þennan lífeyrissjóð, þá var þetta góður leikur hjá þeim.

Því að ef allt hefði hrunið og peningarnir sem lífeyrissjóðurinn sat á hefðu gufað upp, þá hefði Kópavogsbær þurft að endurgreiða það.

En sú leið sem var farin, þ.e. að lána Kópavogsbæ peningana, sem svo aftur borgaði strax einhverjar skuldir, þá var verið að gera mjög sniðugan hlut, þ.e. Kópavogsbær tryggir sig gagnvart áfalli vegna tap lífeyrissjóðsins.

Einsog þið vitið þá hverfa skuldirnar ekki í svona hruni þó innistæðurnar geti gert það. Með því að fá lán hjá lífeyrissjóðnum náði Kópavogsbær að grynnka á skuldum sínum.

Hefði Kópavogsbær og Lífeyrissjóðurinn ekki gert þetta, og allt hefði farið á versta veg, þá hefði Kópavogsbær skuldað jafnmikið, og Lífeyrissjóðurinn með tap sem Kópavogsbær þyrfti að bæta. Þannig að Kópavogsbær var þarna í raun og veru að nýta sér lífeyrissjóðinn til að koma í veg fyrir að áfall.

Good move."

Þetta er bara alveg rétt, finnst mér. Þarna er bærinn, og lífeyrissjóðurinn, að dreifa áhættunni.

Hvað sem fólki þykir um Gunnar (mér finnst hann hundeiðinlegt spillingarsvín), þá virðist sem svo að þarna hafi hann virkilega verið að gera rétt. En gallinn er, það stangast á við landslög (það eina "rétta" sem hægt er að fjárfesta í er ríkisskuldabréf) og því er kært. Hmmmmmm, er það þá allt í góðu?

Ef eitthvað hefur læst þessi síðustu misseri þá er það það að spyrja spurninga. Erfiðra spurninga. 

 

Sjóðsbjörgun kærunnar virði

Alvarlegum lagabrotum?

Þetta er snilld. Aðkoma FIA að Formúlunni sl. 2-3 ár hefur verið alger brandari. Stórar grundvallareglubreytingar tíðar og án aðvörunar. Nú fyrir þetta tímabil gaf FIA út breytingar t.d. um breytt fyrirkomulag um stigatalningu til heimsmeistara ~3 dögum fyrir fyrsta mót. Algerlega tjónað!!!

Þessar tíðu reglubreytingar og fyrirkomulagsbreytingar gerir það að verkum að liðin eru alltaf að búa til nýja bíla og íhluti upp á nýtt og henda fyrri hönnun og vinnu vegna breytinganna. Þetta eitt og sér er mikill kostnaður fyrir liðin.

Þessi hringlandaháttur FIA hefur skemmt mikið fyrir íþróttinni fyrir utan allar kærurnar og ruglið í úrskurðum FIA þeirra vegna. FIA hefur eitt og sér gert það að verkum að ég er ekki með fráhvarfseinkenni þó ég missi af einni og einni keppni.

Fari þeir bara og veri þessir menn sem vilja öllu ráða en hafa lítilla hagsmuna annars að gæta. Max Mosley getur kannski núna fengið nógan tíma til að láta konur glaðar dominera sig og veita sér annað yndi.

FIA í mál við FOTA

Hún er Hollendingur í eðli sínu.

Það er leitt að frænka skuli hafa meitt sig svona. Vona að hún hafi það fínt, blessunin.

Annars er gaman að sjá að hinn pólitíski rétttrúnaður um hjálm á haus á hjóli skuli vera vel hamraður hér. Ég var í vikuferð í Hollandi fyrir rúmlega viku síðan, þjóð sem er með miklu, miklu, miklu, miklu, miklu meiri hjólamenningu en við og þar sá ég samtals fimm manneskjur með hjálm. Þrjú börn með foreldrum sínum (foreldrarnir ekki með hjálm) og tveir Tour de France wannabes. Það var allt of sumt. Þegar ég hjóla (og börnin sjá ekki til) er ég ekki með hjálm.

Þannig að við Svandís frænka erum greinilega of miklir Hollendingar í okkur ;)

Umhverfisráðherra hlaut höfuðhögg

Munum orð Johns Perkins

John Perkins skrifaði bókina "Confessions of an economical hitman" og er maður sem ber að hlusta á með kostgæfni. Ég er ekki að segja að orð hans eigi við 100% í þessu tilfelli en það ber samt að hafa þetta bak við eyrað.

Hann kom fram í Silfri Egils og sagði beint út að við værum fórnarlömb slíkra manna sem hann var. Ef þetta er rétt hjá InDefence, þá eru eflaust fingraför slíkra manna á þessu samkomulagi. Og ef svo er, þá ber að hafna þessu samkomulagi, samningi eða sátt (hvað sem menn vilja kalla þetta) med det samme eins og sagt er. Engar refjar, hafna. Því við sem þjóð eigum ekki að láta eftir snefil af fullveldi og sjálfstæði okkar vegna IceSave málsins.

Munum IceSave, ávallt.

Tveggja tíma viðtal við John Perkins í tveim hlutum:
I  http://www.youtube.com/watch?v=yTbdnNgqfs8
II http://www.youtube.com/watch?v=29GhXsx7-Rs

Allar eignir ríkisins lagðar að veði?

En þorskastríðið?

Þetta eru bara fyndin ummæli hjá Kristrúnu, hinn "skeleggu" fyrrum aðstoðarmanni(konu?) Ingibjargar Sólrúnar Gísladóttur, fyrrum utanríkisráðherra og formanns(konu?) Samfylkingarinnar. Er hún að gleyma þorskastríðinu?

Sko, milliríkadeila verður ekki harðari en í stríði. Það er ekki flókið. Breski sjóherinn kom ekki hingað til að berjast við okkur í IceSave málinu, við þurftum ekki að verjast tundurspillum breska sjóhersins. Enginn lést í IceSave málinu (það lést einn Íslendingur í þorskastríðinu).

Er ekki Kristrún bara að segja þetta því hún var í þessu miðju?

Harðasta milliríkjadeilan

Skattahækkanir: Það eina sem kommar kunna.

Þetta er merkileg. Alveg hreint stórmerkilegt. Ríkið hefur tútnað og tútnað og tútnað út sl. 10 ár, útgjöld ríkisins hafa aukist um hátt í 10% ár hvert. En þegar allt fer í fokk getur núverandi stjórn ekki tekið skref afturábak í útgjöldum. Bara aukið skatta. Á hverja? Jú, fólk sem nú þegar er í kröggum.

Þetta er það eina sem Jóhanna Sigurðardóttir kann að gera. Og hefur alltaf verið í hennar stjórnmálaferli. Þetta kom kristaltært fram eftir hrunið þegar hún harðneitaði að draga saman seglin í sínu ráðuneyti, þegar öll hin ráðuneytin skáru niður flatt 10%.

Ekki sakar að hafa fyrrverandi skattsugu, Indriða, sem ráðuneytisstjóra Steingríms. Indriði, það eru hans ær og kýr að seilast sem dýpst í vasa borgaranna og hirða það sem er þeirra.

Ég vona svo innilega að Jóhanna eigi eftir að sýna mér að hún kunni líka að skera niður, og kveði mig í kútinn þar með. Því svona útspil er ekkert annað en úrræðaleysi. Ekkert annað. Hún og Steingrímur eru andspænis vandamáli sem krefst erfiðra ákvarðanna og eins og er virðast þau ekki vera fólk til að taka slíkar ákvarðanir. Þ.e. að skera niður ríkisútgjöld.

Og nú ætla ég að setja á mig Nostradamus hattinn: Það eina sem mun skila nokkru eru aukin tryggingagjöld. Skattahækkarnirnar munu missa marks enda mun fólk einfaldlega fara framhjá þessu. Það er eðli leiksins, skattar og skattsvik.

Skattahækkanir úr ríkisstjórn

Hvað sagði ekki Alister Darling við Árna Matt í samtalinu fræga?

Sagði ekki Alister Darling einmitt eitthvað svona við Árna Matt daginn áður en Bretahelvítin réðust á okkur með hryðjuverkalögunum sínum? "Veistu, ég skil svo sem afstöðu þína. Þú verður að gera þér ljóst að orðspor þjóðar þinnar bíður hræðilega hnekki".

Þannig að ef maður á að horfa til sögunnar síðasta árið, í samskiptum við fjármálaráðherra annarra þjóða (og þeirra embættismanna) sem bankarnir störfuðu í, þá má álykta sem svo að svona harðorð bréf geta þýtt að verið sé að undirbúa innrás á öllum vígstöðvum.

Þjóðverjar segja "gífurlegum stjórnmálalegum skaða fyrir orðstír Íslands sem ábyrgum og trúverðugum samstarfsaðila" . Eigum við  að velta fyrir okkur, í sögulegu samhengi, hvað svona orð, frá fjármálaráðuneyti Þjóðverja, getur þýtt? Hmmmm?

Og Þjóðverjar hafa reynst ekkert minna ofbeldisfullir en Bretar "in recent history".... 

Bréf Þjóðverja til Kaupþings birt