Morðingja CIA í steininn

CIA hefur margt blóðugt á samviskunni. Útsendarar þeirrar stofnunar hafa borið ábyrgð á morðum mörg þúsunda, ef ekki hundruða þúsunda, manna.

Ef Obama er svona umhugað um réttlætið og refsingu til handar starfsmönnum leyniþjónusta er myrða, er ekk hentugast að byrja í eigin landi?

Sá yðar er syndlaus er...... 

Obama gagnrýnir Skota

Landsliðið í knattspyrnu karla

Það eru tvö landslið í knattspyrnu. Sem sé Íslenska landsliðið í knattspyrnu og svo íslenska landsliðið í knattspyrnu karla.

 Þar sem við Bríet 7 ára dóttir mín sátum á vellinum, horfandi á landsliðið rúlla Serbum upp, spurði hún mig: Pabbi, á maður að vinna í svona leik. Ég sagði "Já, til þess er leikurinn gerður" og áhorfandinn fyrir framan mig snéri sér við og spurði mig "En hvað með strákana?".  Spurningin kom flatt upp á mig því þeir gera lítið annað en tapa, toppuðu síðast 1999 er þeir gerðu jafntefli við nýkrýnda heimsmeistara Frakka (fór líka á þann leik, í sumarfríi frá Frakklandi).

Eiður Smári: „Kvennalandsliðið lætur strákaliðið líta illa út“

Heimskan lætur ekki hæðast að sér.

Þessi skemmdavargur "Illgresi", hvort sem um forheimskan einstakling er að ræða eða samansafn af forheimskum dólgum, má fara út í búð og skoða ávextina sem þar eru til sölu og hafa verið lengi. Þeir eru allir erfðabreyttir að einhverju leiti. Bananar, epli, appelsínur, vínber. T.d. heldur fólk að steinlaus vínber og steinlausar appelsínur séu a la Nature? Þessir bragðmiklu og góðu Chiquita bananar séu orginal?

Man eftir svona atviki í Frakklandi, þar sem forheimskt lið eyðilagði svona akur um hábjartan dag, leyfði bóndinn þeim að gera það en sendi fólk út af örkinni að kaupa appelsínur og vínber á næsta markaði, ganga síðan um á meðal "aðgerðasinna" og bjóða þeim. Þau borðuðu með bestu lyst. Eftir að fólkið var búið að torga þessu vel var tilkynnt um að þetta væru þeir ávextir sem fólk kaupir dags daglega um allan heim og allir voru þeir erfðabreyttir.

Já, Saving Iceland fólkið er greinilega ekki eitt á báti um að hugsa stundum hlutina ekki alveg til enda.

Mikið tjón fyrir lítið fyrirtæki

DV er ALDREI góð heimild fyrir fréttum...

...við skulum bara muna eftir því.

Milljarðalán til Magnúsar ekki afskrifuð 

„Það er alveg af og frá að lán til Magnúsar Kristinssonar, útgerðarmanns í Vestmannaeyjum, hafi verið afskrifuð. Hvorki lán til hans né nokkurra félaga á hans vegum hafa verið afskrifuð. Við munum fyrst ganga að öllum þeim veðum sem liggja lánunum til grundvallar," segir Páll Benediktsson, upplýsingafulltrúi Skilanefndar Landsbankans. 

DV er æsiblað. Byggir æsifréttir á hæpnum heimildum. Þetta hefur verið margreynt. En það er ágætt að halda mönnum í skilanefndunum við efnið við að gefa ekkert eftir við þessa kóna sem komu landinu á hausinn. Ekkert.

Gamli Landsbankinn afskrifar skuldir Magnúsar

Ekki nýjar upplýsingar

Ég horfði á heimildamynd umAuschwitz um daginn þar sem ágætlega var farið út í þessa hlið útrýmingabúðanna. Mannlegri grimmd á þessum stöðum virðist ekki hafa verið nein takmörk sett.

Þetta minnir mig á texta sem var í inngangi myndarinnar Runaway train. Þar stóð nokkur veginn orðrétt:

"No animal is so cruel that it feels no pity. I feel none so therefore I am not an animal. "

Að lesa um svona meðferð manna af hálfu Þjóðverja og Japana (sem voru einnig einstaklega viðbjóðslegir í stríðinu) kemur manni bara í uppnám.

Nasistar ráku vændishús í fangabúðunum

Vel meint klúður

Margrét bar bara velferð Þráins fyrir brjósti, hvað er málið? Þráinn tekur þessu á versta veg að sjálfsögðu, dramadrottningin sjálf.

Margrét þarf þó greinilega að passa sig, það er hægt að snúa út úr öllu á versta veg, jafnvel vel meintum umhyggjuhugleiðingum.

Þráinn er þó núna heppinn að hafa haldið í það að vera á tvennum launum, maðurinn sem fór í herferð gegn spillingu og sjálftöku. Hann heldur heiðurslaununum þó hann sé atvinnulaus. Í bili allavega.

Kannski hann geti gert bíómynd. Borgaralíf.

 P.S. eftir að hafa lesið pósta þessa fólks lítur þetta svona út fyrir mér:

Margrét segir við vinkonu sína sem þekkir Þráinn: "Er ekki allt í lagi með Þráinn, ég hef áhyggjur af honum." 

Þráinn kemst að þessari umhyggjuspurningu Margrétar og brjálast, hótar henni lögsókn, segir hana vera að vega að "lífi sínu og limum" með mannorsmorðstilraun, og hættir í þingflokknum.

Held að Þráinn hafi núna endanlega gert út af þær litlu vonir sem ég hafði um að hann væri eitthvað góður í pólitík.

PPS: Er búinn lesa doldið núna og sýnist sem að Margrét og þau hin séu ekkert saklaus af þessu og Þráinn sé ekki svo "sekur" eftir allt saman um þetta implode hjá Borgarahreyfingunni.

Þráinn segir sig úr þingflokki

Af hverju í ósköpunum kaus ég hann?

Ég kaus Borgarahreyfinguna í síðustu kosningum. Að vissu leyti óánægjuatkvæði en yfir það heila leyst mér vel á hreyfinguna (og þau hafa staðið sig vel fyrir utan Þráinn). En Þráinn var sá sem bauð sig fram í mínu kjördæmi, Rvk Nor. og ég hugsaði þegar ég krossaði við Þráinn "hef illan bifur á þessum fír en hey, þetta er samt X-O".

Síðan þá hefur Þráinn ítrekað sannað að andlegur fyrirvari minn var á rökum reistur. Gaurinn rekst verr en Kiddi sleggja í flokki og þá er nú mikið sagt. Drullar feitt yfir sitt ágæta samstarfsfólk í flokknum í fjölmiðlum, ítrekað. Svarar engu þegar þau reyna að hafa samband við hann. Hann er, eins og sagt er á góðri íslensku, alger hálfviti.

En hin hafa staðið undir væntingum, Þór Saari sérstaklega. Ánægður með þau.

Þar sem ég kaus X-O syrgði ég það þó að geta ekki kosið Pétur Blöndal, minn uppáhalds þingmann. En X-D var bara ekkert inni í myndinni lengur. Maður kýs ekki flokk sem hefur drullað jafn feitt upp á bak og sá flokkur. 

Vilja Þráin af þingi

Soffía Hansen/Halim Al all over again...

... nema hvað nú snýst taflið við.

Eins og mér þykir leitt að sjá svona fréttir og mál þá verð ég nú að staldra aðeins við hvað það er nú skrítið hvað Soffía Hansen og hennar aðstæður koma oft upp. En þetta gömul saga og ný og aldrei skemmtileg heldur hreint út sagt tregafull og sorgleg.

Merkilegt er þó að í þessari frétt kemur fram að í upphafi hafi þau haft sameiginlegt forræði. S.s. jafnan rétt gagnvart börnunum. Hún ákverður einhliða að stinga af frá USA og fara til Íslands (sem má ekki skv. íslenskum lögum allavega) og faðirinn fær ekki að sjá börn sín í eitt og hálft ár. Nú vill karl fullt forræði og skil ég það vel. Svona framkoma er núna að koma í bakið á Borghildi.

Hún hefði betur kannski sótt um varanlegt dvalarleyfi í USA og jafnvel ríkisborgararétt til að vera hjá sonum sínum. En það svona, þetta er aldrei einfalt.

Íslenskri fjölskyldu vísað úr landi

Japanir voru gífurlega grimmir og blóðþyrstir í styrjöldinni.

Það er merkilegt hvað heimurinn hefur vorkennt Japönum eftir útreið þeirra í seinni heimstyrjöldinni. Það vita allir sem vita vilja, og eru til í að lesa sig aðeins til um mannkynssögu, að Japanir voru gífurlega grimmir og viðbjóðslegir við þegna þeirra þjóða sem þeir hertóku í seinni heimstyrjöldinni. Reyndar var sú grimmd byrjuð löngu áður en látum það vera í bili.

Grimmd þeirra við þessar þjóðir er ógeðsleg. Þeir sem vilja fræðast aðeins um smá brot af því geta horft á heimildamyndina um framkomu Japana í Najing í Kína á Youtube. 

 Rape of Nanking Part I Atrocities in Asia Nanjing Massacre
 Rape of Nanking 2: Japanese Torture Beheading Rape Burning

Vill einhver skoða Dr. Mengele Japana, í massavís? Unit 731. Meir að segja brennsluofn á staðnum  Auswitch style. Þar voru þróuð efna og sýklavopn, vopn sem eru í sama klassa og kjarnorkusprengjur, weapons of mass destruction.
Unit 731 Japanese Torture & Human Medical Experiments 

Horfið á þessar myndir og munið: Svona var framferði Japana út um alla Asíu á þeirra hernumdu svæðum og þetta hefðu þeir gert við hverja sem þeir hefðu hertekið, hefðu þeir orðið sigursælir í stríðinu. Nanking er bara þekktasta dæmið og vel documentað. Skrítið, lítið er kennt um þetta í japönskum skólum og nýlega kom út kennslubók í Japan þar sem þessu var öllu hálf afneitað. Sé alveg fyrir mér Þjóðverja að reyna að afneita Helförinni. Not!

Það versta við þetta er að þessi viðbjóður viðgekkst með vitund almennings að nokkru leyti og japönskum stjórnvöldum að fullu leyti. Venjulegir Þjóðverjar vissu ekki af ódæðisverkum sinna manna.

Ég vorkenni Japönum ekki neitt fyrir að hafa fengið á sig tvær kjarnorkusprengur. Þeir fyrirlitu útlendinga þá og gera enn upp til hópa. Aftur á móti er sorglegt að með þeim viðburðum hófst kjarnorkuuppbygging í heiminum. 

Hiroshima minnst

Löggæsla er ein af grunnskildunum. BíBí, komdu aftur.

Mér finnst þessi tíðindi um hörmungarástandið í lögreglunni ekkert koma á óvart. Þetta er búið að vera svona í töluverðan tíma. MAÐUR SÉR EKKI LÖGREGLUNA LENGUR!!!!!

Einn kunningi minn fór á ökutæki sínu um daginn og sagði mér að hann hefði brotið fullt fullt fullt af umferðareglum. Hann var hvað mest hissa á því að hafa aldrei nokkurn tíma mætt lögreglunni í þessum atgangi sínum. Hann hefur áhyggjur af þessu, algerum ósýnileika lögreglunnar því hann veit vel að lögrelgan er að sinna fullt af þörfum verkefnum öðrum en að eltast við ökufanta sem sig.

Það er GRUNNSKILDA hins opinbera í öllum heiminum að gæta velferðar borgaranna. Grunnskilda! Löggæsla, dómstólar, Alþingi og heilbrigðismál eru hornsteinninn í þessu. Ekki ESB umsókn, ekki helmingsaukning í listamannalaunum, ekki fleiri háskólar, ekki LÍN, ekki listamannasnobbsýningar á Ítalíu (heitir það ekki Feneyingurinn?), alls ekki tónlistar- og ráðstefnuhús við höfnina, ekki aukin aðstoð við hælisleitendur, og margt margt fleira. Það eru lúxusvandamál, ekki grunnvandamál.

Ef  eitthvað er þá á að láta niðurskurð til lögreglunnar ganga til baka og bæta jafnvel við jafn miklu og átti að spara. Því vitið hvað?

Jú, í kreppu er það jafn víst að glæpir snaraukast og að nótt fylgir degi. Þetta er bara nærri því eðlisfræðileg staðreynd. Einnig fylgja aukin félagsleg vandamál sem lögreglan þarf að glíma við (heimilisofbeldi, óregla fólks etc).

Að skera niður hjá lögreglunni er jafn hálfvitaleg aðgerð og að skera niður grimmt í heilbrigðisgeiranum í miðri plágu. Þetta heitir á góðri íslensku að skíta upp á bak í beinni, að skera niður hjá lögreglunni.

Það liggur við að maður óski eftir því að Björn Bjarnason komi aftur í ríkisstjórn sem dómsmálaráðherra. Svona rugl og vitleysa hefði aldrei gerst á hans vakt, hvað svosem fólk hefur á móti honum út af öðrum málum. Því eitt er og verður alltaf kristaltært. BíBí hlúði vel að lögreglunni og gæslunni og gætti þeirra hagsmuna í hvívetna, vitandi vits að þarna væri á ferð alger grunnþjónusta við borgarana. 

Lögregla komst ekki í útköll