Þetta var svo augljóst brot...

...að það hálfa væri nóg. Hann traðkaði viljandi á honum. Fer svo og ögrar Arsenal leikmönnum. Gaurinn var bara úti að aka þarna. Eitthvað vantar í heiðursmanninn hjá honum á vellinum. Allavega þennan dag.

Adebayor í þriggja leikja bann

Og skattmann stelur engu?

Ár hvert fæ ég blað í hendurnar þar sem eru nákvæmar fjárhagsupplýsingar um mig forskráðar, að mér forspurðum. Þetta blað kemur frá Skattmann. Þessar persónunjósnir hefur hann stundað með löglegum hætti. Síðan birtir hann unnin gögn, s.s. tekjuskatta mína, á sumrin.

Þetta gerir hann að mér forspurðum og til þessa hefur hann lagaheimildir.

Löglegt? Já. Siðlaust? Já. Allavega sá hluti þar sem kvikindið birtir þær fyrir hvern sem er er sjá vill.

Skattmann er jafn nauðsynlegur og aðlaðandi þjóðfélagsþegn og ríkisböðull í löndum þar sem dauðarefsing er leyfð. Ill nauðsyn.

Ef hann héldi sig við að afla fjár fyrir ríkið með tekjuskatti og virðisaukaskatti þá væri ég sáttur. En skattmann fer með sínu loðnu, gráðugu, krumlur í hver skúmaskot þar sem fólk reynir að koma fé SÍNU og verðmætum þannig að það geti notið þess sjálft. Nei, skattmann vill sitt, slefandi gráðugt snýkjudýr. 

Til dæmis, ef ég fer strangt til tekið eftir skattalögum þarf ég að skrá afmælisgjafir og jólagjafir og gefa upp til skatts. Pælið í því. 

Grunaður um upplýsingastuld

Þessi mynd segir allt sem segja þarf

 Ég veit að það er verið að vinna í þessu. En maður er farinn að verða langeygður eftir einhverju öðru en píslavottargöngunni sem kölluð er "greiðsluaðlögun".

Vanskil aukast hratt

Eru Kommar hræsnarar eða hvað?

Ég ætla nú ekkert að fullyrða um að fólkið sem er að púa þarna séu örgustu VG kommar, en Idol Komma á Íslandi, Steingrímur J., var að skrifa undir miklu meiri einkavæðingu í orkumálum landans en Borgarstjórn og OR nokkurn tíma. Þá á ég við um það að Íslandsbanki á stóran hlut í Geysir Green Energy, og sá banki er á leið í hendur erlendra aðila að 95%. Þetta skrifaði Steingrímur undir og þannig er það. Og það var langbesta staðan í leiknum fyrir hann og þjóðina.

Sama á við um OR. Þau URÐU að selja hlutinn. Um það hefur verið kyrfilega fjallað. Og innlendir kaupendur að hlutnum buðu sig engir fram. Nada. Nix. Niente.

En ætli þessi samansöfnuður sé ekki af sama meiði og þyrptist niður í ráðhús þegar Sjallar tóku völdin í borginni aftur með klækjapólitík. Söfnuður sem fagnaði þegar Tjarnarkvartettinn beitti sömu meðölum, en varð brjálaður þegar sama meðali var beitt gegn Tjarnarkvartettinum.

Orð dagsins er því: Tvískinnungur. Ef meðalið var það sem verið var að mótmæla.

Hróp gerð að borgarstjóra

Fíkniefnalaust Ísland árið 2000 virkaði. Eða ekki.

Dæmalausar svona hugmyndir að boðum og bönnum endalaust. Það er margbúið að sýna fram á það að bann virkar EKKI. Hefur aldrei gert, alveg frá tímum Adams og Evu. Adam og Evu var bannað að éta af sannleikstrénu. Hversu margar persónur þurfti að hafa auga með? Tveim. Hver var að fylgjast með? Guð. Virkaði þetta? Nei!

Forvarnir í tóbaksvörnum hafa virkað rosalega vel undanfarna tvo áratugi. Höldum áfram á þeirri braut. Förum ekki á braut boða og banna gegn neyslu sem fólk velur og vill. Það hefur aldrei virkað. Ekki á epli, ekki á fíkniefni, ekki á áfengi, ekki á læknadóp, ekki á tóbak. Þetta bara virkar ekki og hefur aldrei gert.

Hugmynd um að banna tóbakssölu

Þeim er ekki fisjað saman, Ísraelsmönnum

Það er á kristaltæru, og hefur verið lengi, að Ísraelsmenn vilja engan frið. Engan. Vilja bara nýðast á Palestínumönnum út í eitt og traðka á þeim.

Gyðingur einn sagði fyrir 2000 árum: Það sem þú vilt að aðrir gjöra þér skalt þú og þeim gjöra. Gyðingar Ísraelsríkis sýna dag eftir dag hvernig að þeir vilja að aðrir komi fram við sig. Við skulum muna það.

Barak samþykkir 366 byggingar

Kannski fjölmiðlar fari þá að vanda sig?

Fréttamiðlar hafa leyft sér að fara ótrúlega frjálslega með staðreyndir eftir hrunið. Þeir slóu upp þessum fréttum af meintum tilfærslum sem ógurlegum fréttum og báru fyrir sig heimildamönnum. Er til of mikils ætlast að fréttamenn staðfesti heimildir sínar, ef þær eru t.d. nafnlausar? Beri "ásakanir" undir "ásakaða" áður en farið er af stað með frétt?

Ekki vil ég að þeir þegi eða hætti, bara að þeir vandi sig. Er til of mikils ætlast? Því uppgjörið við útrásavíkingana má ekki vera byggt á ruglingi heldur verður sannleikurinn að vera í hávegi hafður, þá sem endranær.

"Blaðamenn" og "fréttamenn" eru ein hörundssárasta stéttin á landinu. Hörundsár stétt með magnað vopn: Fréttastofurnar. Og "blaðamenn/fréttamenn" eru reglulega duglegir að nýta þessar fréttastofur til að berja á þeim þegnum sem þeim mislíkar. Þetta kristallaðist í því þegar Auðun Georg Ólafsson var ráðinn sem fréttastjóri á fréttastofu RÚV. "Fréttamenn" landsins lögðust allir sem einn í það óþrifaverk að maka drullu á þann mann, og lögðu hann í slíkt einelti að hann sá sína sæng útbreidda og afþakkaði starfið. Nú er hætt við að þessir menn sem nú hafa kært fréttastofu Stöðvar 2 og Vísis, verði rakkaðir niður í fréttastofu þessa fjölmiðlafélags sem aldrei fyrr. Vei þeim fyrir að reyna að verja sig með kærum.

Talandi um sannleiks gildin hjá "fréttamönnum". Um daginn, þegar lögbannið var frá Kaupþingi á fréttastofu RÚV, um umfjöllun um lánabókina, leið ekki sá fréttatími að fréttastofa fjallaði ekki um það. Og fréttastofan dró hvern sérfræðinginn, háskólaprófessor eður ei, inn í viðtal þar sem fjallað var um hversu vont þetta lögbann væri fyrir fjölmiðla, málfrelsi og ég veit ekki hvað.

Ekki sögðu þessir "sannleikselskandi" "fréttamenn" frá því hvernig sumir þessarra viðmælenda voru svo hlutdrægir að það hálfa væri nóg. S.s. fréttastofan fór í áróðursherferð, ekki fréttafluttning. 

Ég á mér draum. Þann draum þar sem ég get hlustað á fréttir og fréttaskýringaþætti þar sem maður getur gengið að því sem vísu að "fréttamennirnir" séu ekki hressilega litaðir af pólitík, trú eða öðrum huglægum gildum sem skemma sannleiksgildi fréttaflutningsins. Ég vill sannleikann eins og hann kemur af kúnni, ekki gerilssneyddan og túlkaðan af fréttamanni. S.s. hlutlausan fréttaflutning.

Er til of mikils að ætlast? 

Karl höfðar mál gegn fréttamönnum

Lygin ferðast hálfan heim...

...meðan sanneikurinn er enn að reima á sig skónna.

Sé þetta allt og rétt eru þessar greiðslur alls ekki óeðlilegar. En nú svo að sannleikselskandi aðilar á borð við Árna Finnsson og fleiri hafa nú fyrir löngu úthrópað þetta sem mútur eða eitthvað álíka. Og sú skilaboð hafa nú þegar ferðast um hálfan heiminn. Og að sjálfsögðu í fréttum, okkar áskæru sannleikshlöðnu fréttum.

Segja Landsvirkjun ekki hafa greitt sveitarstjórnarmönnum

Nú, hvað varð um Landspítalann?

Einari Karli átti að redda vinnu á Landspítalanum, enda var hann atvinnulaus eftir að síðasta stjórn féll (hann var aðstoðarmaður iðnaðarráðherra, Össurar). Nú hefur það greinilega ekki gengið, enda var gífurleg óánægja á Landspítalanum með það gjörning. Að ráða "atvinnulygara" á fínum launum, búa til stöðu og allt, á sama tíma og spítalinn gengur í gegnum mjög erfiðan niðurskurð. (Þetta var nasasjón af "gegnsæinu" og "heiðarleika" stjórnmálamanna Samfylkingarinnar).

Nei, í staðinn er Kristjáni hent út, sem kannski var allt í lagi, ekki var neitt að koma frá honum né Urði. Og Einar ráðinn í staðinn.

Frábært. Svona eiga faglegar og gegnsæjar ráðningar að eiga sér stað.

Nú er spurt: Var staðan auglýst hjá hinu "faglega", "gegnsæja" og "óspillta" forsætisráðuneyti Samfylkingarinnar?

Svarið er: Nei.

Einar Karl ráðinn upplýsingafulltrúi

Hversu margir hafa verið dæmdir...

...fyrir að taka sér, að eigin frumkvæði og skv. eigin skilgreiningum, fé annara og halda? Þetta er bara þjófnaður hjá Ólafi þó hann vilji eflaust kalla það annað.

Síðasti naglinn í pólitíska líkkistu Ólafs er þarna kominn. 

Saka Ólaf F. um fjárdrátt