Eru Kommar hræsnarar eða hvað?

Ég ætla nú ekkert að fullyrða um að fólkið sem er að púa þarna séu örgustu VG kommar, en Idol Komma á Íslandi, Steingrímur J., var að skrifa undir miklu meiri einkavæðingu í orkumálum landans en Borgarstjórn og OR nokkurn tíma. Þá á ég við um það að Íslandsbanki á stóran hlut í Geysir Green Energy, og sá banki er á leið í hendur erlendra aðila að 95%. Þetta skrifaði Steingrímur undir og þannig er það. Og það var langbesta staðan í leiknum fyrir hann og þjóðina.

Sama á við um OR. Þau URÐU að selja hlutinn. Um það hefur verið kyrfilega fjallað. Og innlendir kaupendur að hlutnum buðu sig engir fram. Nada. Nix. Niente.

En ætli þessi samansöfnuður sé ekki af sama meiði og þyrptist niður í ráðhús þegar Sjallar tóku völdin í borginni aftur með klækjapólitík. Söfnuður sem fagnaði þegar Tjarnarkvartettinn beitti sömu meðölum, en varð brjálaður þegar sama meðali var beitt gegn Tjarnarkvartettinum.

Orð dagsins er því: Tvískinnungur. Ef meðalið var það sem verið var að mótmæla.

Hróp gerð að borgarstjóra

Athugasemdir

[Vésteinn Valgarðsson, 15.9.2009 kl. 15:25]

Er Steingrímur J. ædol "komma"? Hvað meinarðu eiginlega?

[Sigurjón Sveinsson, 15.9.2009 kl. 15:48]

T.d. tóku ungir VG það upp hjá sér að setja Steingrím J. á bol í stíl við mynd af Che Gueverra. T.d. er Steingrímur formaður VG og hefur verið alla tíð síðan sú ágæta hreyfing var stofnuð. T.d. það að hann er helsti talsmaður þeirrar stefnu sem er hvað lengst er til vinstri í pólitíkinni.

Tel mig ekki þurfa að rökræða það neitt frekar :)

En ég veit að ég er að stuða með þessu "komma" nafnakalli. Geri það viljandi. Ómaklegt kannski en mér er sama. Það virðist vera inn þessa dagana að fullyrða langt út fyrir velsæmismörk og eiga slíkir "bloggarar" mikið upp á pallborðið núna.

[Vésteinn Valgarðsson, 15.9.2009 kl. 18:39]

Ungir VG eru ekki kommar og það er VG ekki heldur sem flokkur. Kommúnisti er manneskja sem vill afnema auðvaldsskipulagið og koma í staðinn á sameignarskipulagi. Hefur þú einhvern tímann heyrt Steingrím J. Sigfússon tala um það? Ekki hef ég það. Og "lengst til vinstri"? Í fyrsta lagi segir það ekki neitt, í öðru lagi er SJS alls ekki að framkvæma neina vinstristefnu í ríkisstjórninni og er þar af leiðandi orðinn umdeildur innan eigin flokks.