Nú, er Englandsdrotting "drottning"?

"Englandsdrottning stappar stálinu í þjóðina..."
Ég var ekki viss um að Englandsdrottning væri "drottning" í þeim skilningi orðsins. Reyndar hefur mér þótt Beta doldið karlmannleg sem kona, eða ljót, en nú er komið í ljós að grunur minn um að Beta væri "drottning" var á rökum reistur. Og svo kemur í ljós einnig þessa dagana að hún er að "stappa stálinu" í þegna sína. Ja hérna hér, úrkynjunin getur varla orðið meiri....

Englandsdrottning stappar stálinu í þjóðina

Ákaflega mikilvæg frétt af Lúkas

Þetta er nú farið að vera með eindæmum með þennan blessaða hund. Til hvers í ósköpunum er verið að fjalla svona um einn h#$%$& hund? Er þetta ekki sönnun þess að gúrkutíð er að fara með "fjölmiðla" þessa dagana? Hvernig væri nú að fjölmiðlar færu að snúa sér að því sem skiptir máli, hver  kom þessu djöfulsins rugli af stað? Gúrka frænka?

Þetta er álíka merkilegt og fréttir af París Hilton. Akkúrat ekki-merkilegt.

Lúkas kominn heim

Congrats (Saving) Iceland, allt í lukknar velstandi - tékkið heimildir

Þessi frétt er ekki um könnun heldur niðurstöðu á útreikningum samtakanna New Economics Foundation and Friends of the Earth. Þessi samtök búa saman til svokallaðan Happy Planet Index sem er reiknaður út frá hagtölum landanna. Forsendur reikninga virka samt á mig eins og að þessi frétt sé svolítið misvísandi því að hamingja Íslendinga er ekki útkoman úr útreikningum heldur hversu plánetan og menn lindir vel saman hér á Íslandi. Það sem er forsenda fyrir þessum stuðli eru þrjú atriði: Lífsánægja, lífslíkur og umhverfismál.

Stuðullinn er því niðurstaða úr útreikningi:

Lífsánægja * lífslíkur
umhverfismál

Því má segja að Saving Iceland hafi nú enn eitt tilefnið til að dansa, syngja og skemmta sér á götum Reykjavíkur. Fagna lífinu og hvað það er æðislegt að búa á Íslandi, í lífshamingulegum og umhverfislegum skilningi  Kannski löggurnar geti núna líka glaðst með þeim.

Make love, not war.

Fyrir fréttamenn. Í framtíðinni, skoðið aðeins betur heimildir. Því á heimasíðu Happy Planet Index stendur berum orðum:
The Index doesn’t reveal the ‘happiest’ country in the world. It shows the relative efficiency with which nations convert the planet’s natural resources into long and happy lives for their citizens. The nations that top the Index aren’t the happiest places in the world, but the nations that score well show that achieving, long, happy lives without over-stretching the planet’s resources is possible. The HPI shows that around the world, high levels of resource consumption do not reliably produce high levels of well-being (life-satisfaction), and that it is possible to produce high levels of well-being without excessive consumption of the Earth’s resources. It also reveals that there are different routes to achieving comparable levels of well-being. The model followed by the West can provide widespread longevity and variable life satisfaction, but it does so only at a vast and ultimately counter-productive cost in terms of resource consumption. 

Það er hálf sorglegt ef tölvunjörðurinn ég, með próf í slíku (tölvunarfræðingur), stendur sig betur en fréttamaður í að lesa sig til um fréttir og kanna heimildir. Það þarf ekki mikið til, bara smá pungapróf í gúgglun.

Íslendingar hamingjusamastir

Allt konur

Hmmmm, af hverju eru það bara konur sem sækja um þetta starf? Þær eru níu.

 Þetta er varla tilviljun. Því ef kyn umsækjanda væri tilviljun í hvert skipti, svona eins og þegar börn fæðast, þá væru líkurnar á kyni viðkomandi 1/2.

Nú, ef við gefum okkur það að þetta sé tilviljun þá eru líkurnar á því að allir umsækjendur séu konur 1/2⁹ sem er 1/512. Einum of ólíklegt að þetta sé tilviljun.

Sem þýðir að starfið höfðar mun meira til kvenna.

Níu sóttu um starf framkvæmdastjóra Jafnréttisstofu

Bandaríkjamenn vilja viðhalda óvininum

Í hellunum Tora Bora var Osaman Bin Laden staddur í lok innrásarinnar í Afganistan. Hann var innan seilingar fyrir Bandaríkjamenn. Þeir vissu að hann var þar! En hvað? Jú, þeir eftirlétu ættbálkahöfðingjum að reyna að ná í hann. Og hann slapp, að sjálfsögðu. Bandaríkjamenn þorðu ekki í man to man bardaga í hellunum. Hafa sennilega óttast mannfall í sínum röðum. Það er furðulegt að hernaðarveldi á borð við Bandaríkin skuli í dag vera svo hrætt við mannfall sinna manna að þeir þora ekki að gera það sem gera þarf til að ná markmiðum eins og að ná Bin Laden og Ayman al-Zawahri.

Skv. þessari frétt þorðu þeir ekki inn til að ná í Ayman al-Zawahri og aðra. Þessi ótti við viðbrögð Pakistana er bara fyrirsláttur, sá sauður hefði ekki gert mikið meira en vera með smá múður. Þeir þorðu bara ekki að þurfa að þola mannfall við að ná í óvininn! Það er ekki flóknara en það.

Þegar ég var í frönsku Útlendingaherdeildinni 1994-1999 heyrði ég margoft sögur af heigulhátt og vanhæfni bandarískra hermanna, frá mönnum sem höfðu starfað/barist með US Army, þegar engar Tomahawk eldflaugar voru né þyrlur né stuðningur lofthernaðar. Eftir höfðinu dansa limirnir. Ef rauði takkinn sem drepur úr 500 km fjarlægð er ekki til staðar þora þeir ekki neinu. Því tapa þeir. Þú verður að brjóta egg til að búa til eggjahræru.

Þessi ótti þeirra við að fara alla leið í baráttunni við Al-Quaida virkar þannig á mig að þeir vilji halda til haga óvini til að réttlæta endalaus stríð í heiminum.

Hætt við árás á al Qaeda vegna ótta við viðbrögð Pakistana

Ég mun gera hið sama þegar að því kemur

Ég ók farartækjum í fyrsta sinn undir 10 ára aldri. Þegar ég var 14 ára smíðaði pabbi fyrir okkur systkinin vélknúinn "kassabíl" með vespumótor, gírum og alles. Þessu var þeyst! Ég var á skellinöðrum og fjórhjólum áður en ég fékk mitt fyrsta ökuskýrteini, 16 ára, á dráttarvél svo ég kæmist í sveit.

Faðir minn hefur kennt mér margt og mikið um ævina og eitt af því var að keyra. Þessi kennsla fór fram þegar ég var (í fyrsta skipti) um  14 ára (kassabíllinn) og hélt áfram, smátt og smátt, fram til ökuprófsins. Enda flaug ég í gegnum það á nokkurrar áreynslu.

Þegar mín börn komast á aldur mun ég leiðbeina þeim í gegnum akstur bifreiða og hjálpa þeim í þessu. Jafnvel fara út í co-cart með þeim, eins og faðir minn studdi mig tvö sumur í rallí-krossi.

Karl faðir þarna þarf að borga sína sekt. Vissulega. Því þetta er bannað. En samt fagna ég svona kennslu foreldra, langt frá umferð og hættum hennar.

Að formæla þessu framtaki þarna er bara tepruskapur. Aldrei má ekki neitt skemmtilegt fyrir fullorðna fólkinu :) 

11 ára drengur undir stýri

Sorrí, lítill trúverðugleiki

Náttúruverndarsamtök Íslands eru ekki trúverðug þegar þau fjalla um meinta afkomu Landsvirkjunar af Kárahnjúkum. Þau eru svo einbeitt í að komast að eins svartri niðurstöðu og hægt er að þau víla ekki fyrir sér að ljúga. Fyrir utan lygina um fossana 200.

So, don't believe the hype.  Ég, í það minnsta, tek svona raupi frá þeim með mikilli vantrú.

Alcoa verði fyrir fjárhagslegum skaða vegna tafa

Voru þeir ekki allir jafnir?

Þetta eru hræðilegar lýsingar þarna. Og höfuðpaurarnir fá vonandi að smakka aðeins á sínu eigin meðali í fangelsi. En nú er spurt: Eigandinn er sonur eins af höfuðpaurum Kommúnistaflokksins í héraðinu. Gæti verið að þarna sé á ferð félagsleg tilraun í sönnum sósíalisma? Sem felst í því að gera alla jafna? Því þeir höfðu það jafnskítt allir, blessaðir þrælarnir.

Þrælum komið til bjargar í Kína

Ég fann upp vél í hádeginu sem ferðast í tíma og rúmi.

Þar sem ég sat við matarborðið í hádeginu datt mér í hug lausn á vél sem myndi hjálpa mörgum að flakka um í tíma og rúmi. Þetta er í raun einföld vél og ég er búinn að útfæra í huganum nokkuð góða lausn á flestum valmöguleikum sem notandi vélarinnar fær til að velja úr.

S.s. vélin er með fjóra valmöguleika, falda í tökkum. Takkarnir eru þessir.

1. Ferðast í tíma.
2. Ferðast í rúmi
3. Ferðast í tíma og rúmi
4. Ferðast hvorki í tíma né rúmi

Takki 1 er nokkuð takmarkaður eins og er. Hann felst í þvi að notandinn ferðast í tíma eingöngu og færist því ekki úr stað. Notkunarmöguleikarnir eru einnig takmarkaðir (eins og er) við að notandinn ferðast um eina sekúndu í einu fram í tímann og það tekur eina sekúndu að fara hverja sekúndu.

Takki 2 felst í því að þegar stutt er á hnappinn fær notandinn valmöguleika hvaða miðla hann vill nota við að ferðast í rúmi, og hvert. Hann getur notað bíl, hest, hjól, rúlluskauta, flugvél, farþegaþotu, skip, kafbát, loftbelg og geimskutlu. Ferðalagið takmarkast þó við okkar sólkerfi.

Takki 3 er blanda af takka 1 og 2. Þ.e. notandinn getur farið hvert sem er í sólkerfinu með sömu samgöngutækjum og getur einungis ferðast áfram í tíma. Hver tímaeining tekur jafnlangan tíma að ferðast og farið er, þ.e. ein sekúnda tekur eina sekúndu. 

Ég er búinn að útfæra takka 4. Nema hvað að maður slædar sjálfvirkt í tíma eins og við gerum öll.

Þessi útfærsla er vernduð með höfundarrétti (nútímans, bundið við núið). 

Skrítið að eftirspurn skuli vera eftir "ókeypis"

Maður nokkur sagði fyrir nokkrum árum "Þar sem er ókeypis, þar er eftirspurn" og fékk smá bágt fyrir. En þetta er bara satt.

Það virðist ekki vera neitt lát á því sem háskólanemar vilja fá ókeypis. Ókeypis menntun (sem er rándýr en aðrir borga), ókeypis í strætó, hræbilleg lán, ókeypis bækur. Skemmtilegur þrýstihópur, þessir háskólanemendur.

Annars er þetta svosum ekkert vitlaus hugmynd. Þessir vagnar ganga hvort eð er tómir um göturnar, sakar ekki að létta á umferðinni vestur í bæ á morgnanna og leyfa háskólanemum að fljóta með ókeypis. Gæti reynst ágætis samgöngubót fyrir einkabílana.

Stúdentar vilja fá frítt í strætó