Stríð hafa hafist af minna tilefni

Kaupþing stóð vel. Átti lausafé til að standast skuldbindingar fram í tímann, bæði í EDGE og gagnvart öðrum lánadrottnum. Þannig að þessi fjandsamlega greiðslustöðvun í Bretlandi, byggð á lögum um hryðjuverk, var algerlega án nokkurra forsendna.

Stríð hafa hafist vegna minni aðgerða af jafn fjandsamlegum toga. Vita þessir menn í Bretlandi ekki að þeir voru í fyrradag að svipta íslenskri þjóð banka sem var 1000 milljarða virði? Því ég er viss um að þeir vissu nákvæmlega hvað þeir voru að gera. Fjandsamleg greiðslustöðvun jafngildir því að banki sé kominn í þrot, standi ekki við skuldbindingar sínar. Svo einfalt er það.

Svo segir Geir lítið annað en að honum þyki þetta leitt, hann sé fúll en ætli að taka þessu og biður þennan djöfulsins hund, Alistair Darling, að vinsamlegast leifa öðrum viðskiptum að halda áfram.

Það mætti bera þetta saman við að einstaklingur sem barinn er sundur og saman biðji ofbeldismanninn vinsamlegast að leyfa sér að vera vinur hans áfram.

Hvar er stoltið? Hvar er víkingurinn í Geir H. Haarde? Er hann alveg tannlaus?

Það á að taka sendiherra Breta hér á Íslandi, tjarga hann og fiðra, stimpla með terrorista stimpli á rassgatið og henda honum í sjóinn, gefa honum færi á að synda heim. Þannig á að afgreiða pólitíska fulltrúa stjórnar sem kemur svona fram við okkur.

Mjög óvinveitt aðgerð

Báknið tútnar nema þar sem þarf

Við skulum hafa eitt alveg á hreinu. Að vernda borgaranna er ein frumskilda hins opinbera. Lúxusverkefni og gæluverkefni ráðherra og embættismanna eru það ekki.

Því orkar það mjög undarlega að á meðan að báknið tútnar og tútnar út, með stóraukinni fjölgun opinberra starfsmanna, þá situr á hakanum að veita fé í eitt af því sem er grunnskilda ríkisins. Löggæsla.

Má vel vera að Björn þurfi að sníða stakk eftir vexti, og fái ekki meiri peninga og þurfi því að veita lögregluembættunum svona mikið aðhald. En það er þá verkefni sem Björn þarf að leysa. Hann hefur reyndar fengið mun meira fé til Landhelgisgæslunnar en var. En lengi má gott bestna (eins og maður segir á góðri íslensku).

Mulið undir Ríkislögreglustjóra

Nú fara Frakkar að skjálfa enda með USAóþol af háu stigi

Þetta eru frábærar fréttir. Þessi stórfenglegi afburðarmaður ætlar að keppa í Tour de France aftur! Það verður frábært að fylgjast með þessu.

Ég bjó í Frakklandi í 5 ½ ár og veit vel að Frakkar hafa ótrúlega seigt óþol gagnvart Bandaríkjamönnum, burtséð frá þeirri staðreynd að það er USA að þakka að Frakkar fengu frelsi sitt aftur undan Þjóðverjum fyrir tilstilli Bandaríkjamanna.

Óþolið er slíkt að þegar Lance Armstrong vann síðasta Tour de France keppnina, og hafði tilkynnt endalok þeirrar þátttöku, þá kom íþróttatímaritið L'Equipe fram með hæpnar fullyrðingar um að Armstrong hefði "víst" stundað svokallað "dopage" eða lyfjanotkun, vegna þess að í einu eftirlitstékki hefðu fundist leyfar af lyfi. En ósmekklegheit L'Equipe voru þau að þetta lyf er notað í krabbameinsmeðferð, s.s. þeir fundu lyf eftir krabbamein Armstrongs og matreyddu fréttina sem að Lance Armstrong hefði haft rangt við.

Þegar L'Equipe gekk á Lance Armstrong um þetta þá að sjálfsögðu neitaði hann alfarið að hafa haft rangt við. En bætti við að fyrst þeir væru svona mikil dusilmenni, þá væri kannski lag hjá honum að hætta við að hætta. Og vinna eina keppni enn, bara svona til að segja "fuck you" við Frakka.

Nú ætlar hann s.s. að koma aftur, og það er ekkert sem kemur frá þessum manni sem ekki er 100%. Spái því því hér og nú að sigurvegari Tour de France 2009 muni verða bandarískur afreksmaður ;). 

Armstrong aftur á fák sinn

Þegar stjórnmálamenn beita fyrir sig hagsmunasamtökum

Þetta er merkileg frétt. Þarna er BSRB að vara við frumvarpi. Látum liggja milli hluta að fjalla um frumvarpið sjálft. Skoðum aðeins hvað liggur að baki þessari tilkynningu frá BSRB.

Það fer ekki milli mála að þeir á þingi sem hæst andmæla þessu frumvarpi eru Vinstri Grænir. Fer þar þingflokksformaður þeirra, Ögmundur Jónasson, fremst í flokki. Hann hefur ekki legið á þeirri skoðun sinni að þetta frumvarp heilbrigðisráðherra sé slæmt.

Kemur svo fram tilkynning frá BSRB um þetta. Þarna er BSRB að blanda sér beint í landspólitíkina. En hver er formaður BSRB? Það er sjálfur Ögmundur Jónasson.

Reyndar er nafn Helgu Jónsdóttr, framkvæmdarstjóra BSRB, sett í fót skjalsins (pdf) en það breytir ekki því að fingraför Ögmundar eru út um allt á þessu skjali.

Þó ég beri mikla virðingu fyrir Ögmundi Jónssyni þá finnst mér alltaf hundleiðinlegt þegar hann beitir BSRB, þar sem hann er búinn að vera formaður núna í mörg, mörg ár, fyrir sig í landspólitíkinni.

Skrítið þó, eða kannski ekki, að blaðamenn moggans reyna ekkert að fjalla um þennan flöt málsins. Myndu þeir kannski frekar gera það ef (fræðilegt dæmi) Ásta Möller, sem fyrir stuttu síðan átti hjúkrunarþjónustufyrirtæki, myndi beita sér fyrir því að greiða götur þessa frumvarps? Myndi heyrast hljóð úr horni þá? Held nú betur!

Varar við afgreiðslu frumvarps um sjúkratryggingar

Klám!!!

"Næstu skref Vesturveldanna í Georgíudeilunni gætu skýrst eftir för Dick Cheney, varaforseta Bandaríkjanna, til Georgíu og Úkraínu í vikunni. Bæði ríkin hafa sóst eftir inngöngu í Atlantshafsbandalagið, NATO, og er förinni öðrum þræði ætlað að stappa stálinu í Georgíumenn." 

Dick að stappa stálinu í Georgíumenn? Er þetta ekki einum of mikið klám?

Ef við þýðum á ensku: "Dick stuffs the steel into Georgia" ? "Stuffing Georgia with Dick Steel" ?

Ég vill ekki sjá "Stappa stálinu" notað svona aftur án þess að verið sé að meina kynlíf. Þetta er alveg þarna uppi með að "hlaupa í skarðið"; kynlíf með atrennu.

Stappar stálinu í Georgíumenn

Sá yðar sem syndlaus er...

Mér finnst kostulegt að Bandaríkjamenn séu að rífa sig yfir þessari neitun Rússa og Kínverja í öryggisráðinu. Kostulegt, vegna þess að Bandaríkjamenn hafa beitt neitunarvaldi sínu 28 sinnum þegar öryggisráðið reynir að koma með ályktanir gegn Ísrael og nýðingsskap þeirra gagnvart Palestínumönnum. Ruglið í Simbabwe er bara barnabrek miðað við þau háþróuðu mannréttindabrot og þau illivirki sem Ísraelar leggja á Palestínumenn. Hvað eru Bandaríkjamenn þá að rífa kjaft?

Sá yðar sem syndlaus er...

Rússar reiðir vegna gagnrýni

Við Bríet fórum á leikinn

Mér áskotnaðist tveir miðar á þennan leik, í boði Ólínu Viðars í gegnum Sigrúnu mágkonu, og eftir framistöðu liðsins gegn Slóveníu datt mér ekki í hug annað en að mæta með dótturina með mér. Hún hafði heyrt af fræknum sigri stelpnanna okkar á Slóvenum og þótti því mikið til koma að fara á leikinn.

Sem sagt, við feðginin fórum saman á landsliðsleik, ásamt bróðurdóttur Elsu minnar, Valborgu Sunnu. Og þvílíkur leikur!

Stelpurnar eru algerlega frábærar. Þær yfirspiluðu Grikki svo rosalega í dag að það var aldrei spurning frá fyrstu mínútum hvor myndi vinna, heldur bara hversu mikið burstið yrði.

Satt best að segja þá hef ég aldrei í raun séð leik liðsins fyrr en nú, maður sér bara mörkin í fréttunum. En það sem eftir situr eftir daginn, varðandi leik liðsins, er hversu mikið sterkari, kvikari, sneggri og betur spilandi sem lið þær voru en Grikkir. Mikið um fallegar sendingar, fallegt og skemmtilegt "spur of the moment" samspil, góð boltafærni, mikil pressa út um allan völl, mikil vinna, og þær klára sóknirnar vel. Og það voru bara grískar stúlkur sem þurfti að sinna af sjúkraþjálfum í  dag, okkar stelpur voru það mikið sterkari og harðari í leiknum. Þetta lið er algerlega frábært!!!! Og ekki skemmdi rífandi stemmningin.

Bríet var með málaðan fána á kinnina og þótti mjög gaman á leiknum. Hún hélt í mig allan leikinn og fylgdist með leiknum. Mér þótti þessi dagur á vellinum frábær, sætur sigur hjá frábæru liði og horft á með dótturinni, frumburðinum.

Yfirburðasigur á Grikkjum, 7:0

Mun þessi skóli taka á jafnrétti eða bara kvennréttindum?

Það hefur verið stefna og einkenni jafnréttisumræðunnar að þegar hún fer af stað í öllu sínu veldi er bara talað um eina hlið jafnréttis, þ.e. laun og stöður kvenna, eða frekar hvernig hallar á konur í þeim málaflokki. Lítið hefur farið fyrir hinni hliðinni sem hallar á okkur karlmenn, sifjamál.

Nú nýverið kom berlega í ljós hversu afskaplega lítill vilji er á meðal forkólfa jafnréttismála til að bæta úr þessum málum. Kristín Ástgeirsdóttir sagði óbeinum orðum í viðtali við Fréttablaðið að lítið sem ekkert yrði gert í þessu þegar hún tók við sínu starfi. Femínistafélagið hefur gert akkúrat ekkert í þessum málum, og einn af háværustu femínistum landsins, Kolbrún Halldórsdóttir, fór vægast sagt miður réttlátum orðum (pdf) um Félag áhugafólks um Foreldrajafnrétti (eina félagið á landinu sem hefur yfirlýsta stefnu að bæta hag forræðislausra foreldra) á Alþingi nú nýverið.

Bara svona til að fólk skilji hversu stórtjónaður samanburður á tölfræðinni er, þegar jafnrétti kynjanna ber á góma, og þau mál sem varða hvort kynið fyrir sig. Kannanir og rannsóknir sýna að kynbundin launamunur sé á milli 12%-16%, þ.e. munur sem er ekki útskýrður með öðru en kyni, þegar tillit hefur verið tekið til allra þátta. Á svipuðum tíma hefur Jóhanna Sigurðardóttir sagt í ræðu að "Samkvæmt upplýsingum frá Hagstofunni var fjöldi skilnaðarbarna hér á landi á síðast liðnu ári tæplega 1.200. Á árabilinu 1997–2006 eru alls um 17.800 börn skráð sem skilnaðarbörn hjá Hagstofu Íslands. Þar af bjuggu 739 hjá körlum og 17.066 hjá konum. Þetta eru athyglisverðar tölur svo ekki sé meira sagt." Sem sagt, 4,2% á móti 95,8%, konum í vil.

Ég hlakka til að sjá áherslurnar hjá þessum skóla. Og vona að hann geri það sem fáar stofnanir og félög hafa gert hingað til, sem hafa verið stofnuð utan um jafnrétti, og það er að taka báðar hliðar af kostgæfni og metnaði, ekki bara aðra. Ef ekki, þá verður þetta bara enn eitt kvennrembusetrið í faglegum fötum og með faglega titla.

Skrifað undir samkomulag um jafnréttisskóla

Skitið upp á bak án atrennu

Ég á ekki orð til að lýsa vanþóknun minni á þessu klúðri. Fyrir það fyrsta, að löggan skuli ekki getað komið í veg fyrir aðkomu forvitinna borgara, t.d. með aðstoð björgunarsveita, girða svæðið af. Reka björninn í ákveðna átt með þyrlu. Það eru til ótal leiðir. Nýta þannig tímann til að leita af sér allan grun hvort að lyf/byssa séu til til að svæfa hann og koma í burtu.

En nei. Fólki er hleypt inn á svæðið, tekinn lítill tími í að leita að leiðum til úrlausna.

Það kemur í ljós þegar á reynir, hef ég margoft sagt, úr hverju menn eru gerðir. Það er því nokkuð ljóst hvaða meðferð jaðartilvik náttúrulífsins fá fyrir norðan. Skitið upp á bak án atrennu. Og í beinni.

Ég er svo fúll yfir þessum endalokum að ég á bara ekki orð. Lýsi frati á þá sem stýrðu þessu.

Og umhverfisráðherra, var það ekki hún sem tók endanlegu ákvörðunina? Hver stýrði þessu klúðri eiginlega? Löggan? Magnaður andskoti.

„Hefði átt að loka veginum"

Bríet á afmæli í dag, 6 ára hún dóttla mín

[Þessi færlsa átti að birtast í gær, 2. júní, en gerði það ekki.] 

Hún Bríet mín á afmæli í dag. Sex ár eru liðin síðan hún leit ljós þessa heims fyrst augum og gæddi okkur foreldra hennar nýju ljósi. Nú er hún að klára leikskólann og byrjar í grunnskóla í haust.

Ja, hvað tíminn flýgur...

 En hvað um það, innilega til hamingju með daginn, elsku Bríet mín.