23.10.2008 | 23:33
Stríð að hætti George Bush
George Bush og félagar lugu upp á Íraka gereyðingarvopnum og stuðningi við Al-Qaida til að geta afsakað innrás í Írak, og fengu stuðning til þess frá m.a. okkur Íslendingum.
Eftir að hafa lesið samtal þeirra tveggja ráðherra er það greinilegt að breska heimsveldið er ekki búið að gleyma neinu í hvernig á að svínbeygja minni máttar og notar til þess aðferðir sem George Bush notaði. Ljúga upp á þá þjóð sem skal ráðast á sem afsökun fyrir innrásinni.
Það kom margoft fram í samtali Darling og Árna að við myndum standa við okkar lagalegu skuldbindingar en við værum í erfiðum málum og þyrftum að komast að einhverju samkomulagi. Darling játti meir að segja því að hann skildi þetta.
Kemur hann svo ekki daginn eftir og ræðst á okkur með hryðjuverkalögum og efnahagslegum stórárásum. Eyðilagði eina bankann okkar sem var eftir, banka sem væri sem gull í hendi þessa dagana í þessum aðstæðum, hefði hann fengið að lifa.
Fyrir þá sem taka afstöðu með Darling og gegn Árna í þessu stríði held ég að ég láti mynd segja meir en önnur orð.
Ung stúlka í Frakklandi, sem svaf með óvininum, fær hársnyrtingu eftir lok seinni heimstyrjaldarinnar.
![]() |
Samtal Árna og Darlings |
Tilkynna um óviðeigandi tengingu við frétt |
Flokkur: Stjórnmál og samfélag | Facebook
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.