Ferrari beitir öllum brögðum til að vinna, eins og vanalega

Ég hef fylgst með Formúlunni síðan 1994. Og allan þennan tíma hefur mér þótt Ferrari liðið bera illan þokka, og af einni ástæðu. Það skiptir ekki máli hvernig það er gert, sigur er allt, tilgangurinn helgar meðalið. Fyrir utan það hefur þeim leyfst að gera ýmislegt sem öðrum hefur ekki leyfst, gagnvart FIA. Það er eins og þeir séu á einhverjum sér díl.

Nú liggur það fyrir að ef McLaren fær refsingu mun það að öllum líkindum færa Ferrari heimsmeistaratitilinn á silfurfati, jafnvel næsta ár líka. Þetta vita þeir hjá Ferrari og því er hringt í vin Ferrari, Max Mosley, og hann beðinn um að sýna vinum sínum þann greiða að sjá til þess að enn eina ferðina fái Ferrari forgjöf í ákvörðunum dómara FIA.

Á sama tíma bendir ekkert til þess að þau gögn sem Mike Coughlan hafði undir höndum hafi á nokkurn hátt verið notuð við hönnun McLaren bílsins.

Ég var með smá taugar til Ferrari á þessu ári því Raikkonen fór þangað en held að þær taugar séu orðnar visnar.

FIA áfrýjar njósnamálinu

Athugasemdir

[Heimir (IP-tala skráð) 31.7.2007 kl. 17:26]

Auðvitað reyna liðin að gera allt til að vinna, en ekki hvað????

Ferrari er þó ekki að stela af keppinautunum leynilegum skjölum! Skiptir ekki máli hvort McLaren hafi notað gögnin eða ekki, þeir stálu af Ferrari, og það eitt sýnir skítlegt eðli! 

[Gulli (IP-tala skráð) 31.7.2007 kl. 21:08]

Er ekki einmitt frekar pælingin að Mclaren er með gögn Ferrari frekar að lýta þannig á að Ferrari sé að gera eitthvað rangt

[Illugi (IP-tala skráð) 1.8.2007 kl. 02:24]

Heimir minn, hefurðu ekki fylgst með þessu máli??

Stepney sendi Coughlan gögnin.  Er það að stela?

Kynntu þér málið áður en þú ferð að alhæfa! 

[Sigurjón Sveinsson, 1.8.2007 kl. 12:02]

Heimir, þú værir þá kannski sáttur við markið fræga sem ÍA skoraði á móti Keflavík um daginn? Þeir unnu jú leikinn með eins marks mun. Með markinu sem þeir stálu.

Spurning hvort að allt liðið eigi að líða fyrir það ef einn þeirra gerist brotlegur.
Það hefur komið fram að McLaren liðið hefur unnið með rannsókn málsins af heilindum sem og að ekkert hefur komið fram um að þessi gögn hafi verið kunn öðrum en Coughlan, hvað þá heldur að þau hafi komið að gagni.

Svo er nú skrítið að verið sé að kæra fyrir njósnir, eins og að njósnir í Formúlunni komi á óvart. Það er eins og að vera hissa á lyfjanotkun í Tour de France. Mika Salo sagði nú bara um daginn að Ferrari hafi njósnað um McLaren.

[Kjartan (IP-tala skráð) 1.8.2007 kl. 12:57]

Hmmmm.... já Ferrari eru skíthælanir fyrir að vilja að McLaren fái refsingu fyrir það sem þeir voru dæmdir SEKIR um...Hvort sem það var einn maður eða 23 þá var liðið dæmt sekt og punktur. Já liðið á að súpa seiðið af því ef einn maður gerist brotlegur..... veit ekki betur en Ferrari hafi sopið seiðið af því þegar Schummi keyrði á Villeneuv, og jú það var nú bara einn maður að verki. Ég er ekki Ferrarimaður en finnst samt soldið umræða um þetta, að sjálfsögðu fer Ferrari með þetta mál eins langt og hægt er og ekki halda í augnablik að önnur lið myndu ekki gera það sama!!!!! Ef Ferrari hefði verið með sömu gögn um McLaren var með væri búið að krossfesta þá frá a-ö og brenna á eldi og þið vitið það alveg sjálfir /sjálfar