Bravó velferðarnefnd!

Ögmundur reyndi að henda burt einu stærsta jafnréttisbaráttumáli karla í langan tíma, og að sama skapi (að sjálfsögðu) réttarbót til handa börnunum, dómaraheimildinni svokölluðu, þar sem dómurum er heimilt að dæma jafnt forræði foreldra í forsjármálum við skilnað. Honum Ögmundi varð ekki að ósk sinni, velferðarnefnd sá til þess.

Mig grunar að Guðmundur Steingrímsson hafi leitt þá breytingu.

En sjáið í Grein Ögmundar, sem má lesa í heild sinni á smugunni, hvað hann gefur lítið fyrir einróma álit og atkvæði Alþingis, sem og allan þann fjölda sérfræðinga og álitsgjafa sem einmitt vildu dómaraheimildina.

http://smugan.is/2012/06/barnalog-til-gods-thratt-fyrir-breytingar-althingis/

Og Ögmundur tekur fram í grein sinni á Smugunni að hann vantreystir dómurum landsins í þessu máli. Ögmundur er ráðherra dómstóla. Já, þetta er alveg stórmerkilegt.

En allavega, það er tilefni til að fagna, stórt réttlætismál varð ekki eyðilagt af Ögmundi og co heldur kom velferðarnefnd til bjargar.

Bravó! 


mbl.is Ögmundur Jónasson: Sátt er betri en þvingun
Tilkynna um óviðeigandi tengingu við frétt

Svipuð tíðindi og af heimilisofbeldi.

Í jafnréttisumræðunni í dag er ávalt orðum hagað þannig að gefið er sterklega í skyn að aðeins karlar beiti ofbeldi og þá gegn mökum sínum og börnum. Fjöldi rannsókna sýnir að slíkt er alls ekki rétt (1, 2, 3).  Reyndar sýna 282 akademískra rannsókna, með þýði upp á rúmlega 200.000 manns, að sé ofbeldi í sambandi á annað borð þá séu konur jafn líklegar og karlar til að beita ofbeldi, jafnvel líklegri 2).

Um þessar staðreyndir er algerlega þagað af þeim er fjalla hvað mest um heimilisofbeldi og kynbundið ofbeldi.

Við verðum að hætta að ræða um heimilisofbeldi og ofbeldi gegn börnum með þessum hætti. Ekki einungis myndast þarna sterk staðalímynd gegn körlum heldur verður hluti ofbeldisvandamálsins falið vandamál ef vissir aðilar vilja ekkert um þann vanda ræða.

Sterk skilaboð í þessa veru má m.a. finna í svokallaðri Kynjungabók (4) (bls. 35). Riti sem femínistar ritstýrðu, m.a. framkvæmdastýra Jafnréttisstofu, og fjallar einvörðungu um heimilisofbeldi frá því sjónarhorni að karlar séu gerendur (nær engöngu) og konur þolendur.

Heimildir:

1) Karlar fórnarlömb heimilisofbeldis

2) REFERENCES EXAMINING ASSAULTS BY WOMEN ON THEIR SPOUSES OR MALE PARTNERS:  AN ANNOTATED BIBLIOGRAPHY 

3) Men Suffer Domestic Violence, Too

4) Kynjungabók (pdf)


mbl.is Fleiri mæður beita ofbeldi en feður
Tilkynna um óviðeigandi tengingu við frétt

"Eitthvað annað?" Ah, nei, ekki heldur það.

Allan tilverutíma Vinstri-Grænna hefur VG kórinn verið á móti iðnaðaruppbyggingu, hvaða nafni sem hún nefnist. Og Alla-Ballar sömuleiðis á undan þeim. Alltaf kyrjað undir "eitthvað annað" þó illa hafi gengið að toga upp úr kórnum hvar þetta "eitthvað annað" eigi að vera. Helst hefur þó verið talað um ferðamannaþjónustu í tengslum við "eitthvað annað".

Svo kemur stórt fjárfestingartækifæri á borð VG kórsins. En hvað gerist? Nei, Ögmundur vill það ekki heldur og finnur til þess afsakanir.

Það stóð aldrei til að leyfa þetta. Þegar Ögmundur segir "við þurfum að skoða þetta" er hann að segja "Nei". Þá fór bara Ögmundur og fann einhverjar afsakanir. Sem fundust.

Þannig að ekki erum við að sjá fram á stóra atvinnuuppbyggingu í ferðamannaiðnaði sem er gjaldeyrisskapandi fyrir þjóð sem sáááááárvantar erlendan gjaldeyri, í massavís.

Til hamingju Ísland. Nú vitum við það. Það má ekkert gera í landi VG nema hækka skatta og lækka laun.

Þá bíðum við bara rúmlega 500 daga eftir að VG fari frá svo hægt sé að fara af stað í iðnaðaruppbyggingu. Því VG hefur núna endanlega útskúfað sig frá allri vitrænni umræðu um gjaldeyrisskapandi atvinnuuppbyggingu og verðmætasköpun.

Nú skora ég á Samfylkinguna að henda þessum ónýta, þversumklofna og afturhaldshugsandi "stjórnmálaflokki" sem VG kallast út úr ríkisstjórn og boða til kosninga. Þetta gengur ekki lengur svona!


mbl.is Beiðni Huangs synjað
Tilkynna um óviðeigandi tengingu við frétt

Þau vilja stöðva ALLAR virkjanir

Ég las þessa frétt og ákvað að kíkja smá á heimildir. Þessi frétt er unnin upp úr skjali sem heitir "Umsögn um drög að tillögu til þingsályktunar um áætlun um vernd og orkunýtingu landsvæða" (pdf). Þar er að finna hvaða samtök standa að þessu skjali.

Áhugahópur um verndun Jökulsánna í Skagafirði
Eldvötn - samtök um náttúruvernd í Skaftárhreppi
Félag um verndun hálendis Austurlands
Framtíðarlandið
Fuglavernd
Landvernd
Náttúruvaktin
Náttúruverndarsamtök Austurlands (NAUST)
Náttúruverndarsamtök Íslands
Náttúruverndarsamtök Suðurlands
Náttúruverndarsamtök Suðvesturlands
Samtök um náttúruvernd á Norðurlandi (SUNN)
Sól á Suðurlandi

Verkefnastjórn þessa skjals var m.a. stýrt af Árna Finnssyni sem m.a. hefur unnið sér það til frægðar að leita til utanríkisþjónustu Bandaríkjanna (sendiráðs USA á Íslandi) til að fá Bandaríkjastjórn til að beita sér gegn Íslandi vegna hvalveiða. Svo hófsamur er Árni.

En allavega, í þessu skjali er m.a. að finna á bls 9 töflu yfir í hvaða flokk þessi samtök vilja setja virkjanahugmyndir sem eru í drögunum (þau taka ekki afstöðu til allra hugmyndanna). Þetta er ekki flókið, ~90% þessara hugmynda vilja þau setja í verndarflokk, restina í biðflokk. Ekki ein einasta ratar í orkunýtingarflokk, þ.e. af þeim virkjanahugmyndum sem þau taka afstöðu til.

Þá vitum við það, hvað þau vilja.


mbl.is Vilja stofna þjóðgarð á miðhálendinu
Tilkynna um óviðeigandi tengingu við frétt

Auðvitað átti Alcoa að kasta milljörðum á glæ... Auðvitað!

Í Helguvík er búið að reisa drög að álveri, sem mikil hætta er á (í boði stjórnvalda) að verði aldrei að neinu. S.s. það er hætta á að þeir milljarðar fari í súginn.

Nú er iðnaðarráðherra að beina augum almennings frá hindranastefnu stjórnvalda og að meintu áhugaleysi Alcoa. Það má því ætla af þessum orðum Katrínar, okkar annars mæta iðnaðarráðherra, að þetta sé allt Alcoa að kenna að hafa ekki fjárfest enn fleiri milljarða í verkefni sem tvísýnt var með, einmitt vegna þeirrar hættu að stjórnvöld myndu gera það sem þessir ráðherrar höfðu hótað árum saman, að stöðva þessi verkefni með öllum tiltækum ráðum.

Það var og. Allt verður pólitíkusum að vopni í að ata aur og búa til strámenn. Íslenskir pólitíkusar hafa engu gleymt af fyrri starfsháttum, það er á hreinu.

Það er þó fagnaðarefni að miðað við orð ráðherra eru önnur verkefni komin langt á leið. Orkufrek iðnaðaruppbygging til útflutnings fyrir gjaldeyristekjur og skapa störf í leiðinni. Og notað í heimabyggð. Gott er.

PS: Titillinn er orðaður með kaldhæðni.


mbl.is 5 fyrirtæki vilja nýta jarðvarma
Tilkynna um óviðeigandi tengingu við frétt

Hvar eru kvennkyns kaupendur?

Merkilegt hvernig jafnréttisbaráttan á Íslandi er. Endalaust eru karlar gerendur, "vondi kallinn" og konur eru endalaust fórnarlömb.

Er þessi hópur ekki að berjast gegn vændi? Hvar lögðu þær þá gildrur fyrir kvennkyns kaupendur? Eða er það afstaðan að "konur kaupi ekki karlmenn"?

Mig grunar að engar gildrur hafi verið lagðar fyrir konur með auglýsingu með táningsdreng eða álíka.

Jafnréttisbaráttan á Íslandi er því miður föst í einstefnu.


mbl.is Líkir Stóru systur við ofstækissamtök
Tilkynna um óviðeigandi tengingu við frétt

Bann virkar verst, forvarnir best

Það er eitt sem maður sér fljótt á litið við þessa frétt: Bann við óæskilegum efnum virkar verst, forvarnir best.

Langbesti árangurinn í þessari rannsókn í að minnka neyslu þessara efna sést á áfengi og tóbaki. Minnstur árangur er í að minnka neyslu hassins.

Þó ber að geta að hassið er ólöglegt og mikið púður fer í að fylgja því banni eftir, fyrir utan refsiramman og fangelsun. Það sem langbest gengur að minnka eru efni sem eru lögleg en undir miklu eftirliti og takmörkunum í hversu auðfengið það er.

  • Nærri 79% árangur fæst af forvörnum
  • Nærri 24% árangur fæst af banninu
 19982011

pr.stig

munur %

Daglegar reykingar23%5%1878,3%
Áfengi sl 30 daga42%9%3378,6%
Prófa hass17%13%423,5%

Þó ber að fagna þessum árangri í að minnka neyslu kanabisefna. En ef við berum saman hrátt árangur með forvörnum gegn löglegum efnum annars vegar og svo algeru banni hins vegar, þá sést ágætlega hvort skilar meiri árangri. Og munurinn er hrikalega mikill!

Hér eru smá skilaboð frá LEAP, Law Enforcement Against Prohibition

 


mbl.is Færri drekka og reykja hass
Tilkynna um óviðeigandi tengingu við frétt

Fann reiðhjól Trek 800 (týnt / stolið)

Trek 800 stolið fundið týnt reiðhjólTýndi einhver reiðhjóli, eða kannski það sem líklegra er, var reiðhjóli stolið frá einhverjum?

Grátt Trek 800 hjól fannst í Grafarvogi, Borgarhverfi. Sjá mynd.

Ef þið kannist við hjólið, endilega hafið samband við mig.

Sendið mér tölvupóst: sigurjons (hjá) gmail.com með símanúmeri og ég hef samband.


Varhugarvert

Fyrir nokkrum árum var ég með barn hjá dagmóður. Borgaryfirvöld ákváðu að hækka framlög til dagmæðra til að jafna muninn milli greiðslu til dagmæðra annars vegar og leikskóla hins vegar, fyrir hvert barn. Engar skuldbindingar fyrir dagmæður, um að láta foreldra njóta þessarar greiðslu, fylgdi með hækkuninni.

Öll greiðslan fór í vasa dagmóðurinnar, ég fékk ekki krónu í lægri mánaðargjöldum. Ekki krónu. Ég var langt því frá sá eini, fleiri kvartanir heyrðust í almennri umræðu.

Ég skil vel vanda Berglindar og ég vona svo sannarlega að þetta leysist hjá henni en það er kannski umhugsunarefni hvort að þessi nálgun muni skila sér í sparnaði hjá henni.


mbl.is Gagnrýnir mismun á greiðslum
Tilkynna um óviðeigandi tengingu við frétt

Orkumiðlun getur aðstoðað við að finna besta verð

Það er til fyrirtæki sem Orkumiðlun heitir. Starfssemi þess snýst einmitt um að finna ódýrasta verðið á orku og rafmagni fyrir fyrirtæki og einstaklinga. Mæli með að áhugasamir kíki á það.

Heimasíða Orkumiðlunar ehf.


mbl.is Borga of mikið fyrir rafmagn
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband