Bandaríkjamenn vilja viðhalda óvininum

Í hellunum Tora Bora var Osaman Bin Laden staddur í lok innrásarinnar í Afganistan. Hann var innan seilingar fyrir Bandaríkjamenn. Þeir vissu að hann var þar! En hvað? Jú, þeir eftirlétu ættbálkahöfðingjum að reyna að ná í hann. Og hann slapp, að sjálfsögðu. Bandaríkjamenn þorðu ekki í man to man bardaga í hellunum. Hafa sennilega óttast mannfall í sínum röðum. Það er furðulegt að hernaðarveldi á borð við Bandaríkin skuli í dag vera svo hrætt við mannfall sinna manna að þeir þora ekki að gera það sem gera þarf til að ná markmiðum eins og að ná Bin Laden og Ayman al-Zawahri.

Skv. þessari frétt þorðu þeir ekki inn til að ná í Ayman al-Zawahri og aðra. Þessi ótti við viðbrögð Pakistana er bara fyrirsláttur, sá sauður hefði ekki gert mikið meira en vera með smá múður. Þeir þorðu bara ekki að þurfa að þola mannfall við að ná í óvininn! Það er ekki flóknara en það.

Þegar ég var í frönsku Útlendingaherdeildinni 1994-1999 heyrði ég margoft sögur af heigulhátt og vanhæfni bandarískra hermanna, frá mönnum sem höfðu starfað/barist með US Army, þegar engar Tomahawk eldflaugar voru né þyrlur né stuðningur lofthernaðar. Eftir höfðinu dansa limirnir. Ef rauði takkinn sem drepur úr 500 km fjarlægð er ekki til staðar þora þeir ekki neinu. Því tapa þeir. Þú verður að brjóta egg til að búa til eggjahræru.

Þessi ótti þeirra við að fara alla leið í baráttunni við Al-Quaida virkar þannig á mig að þeir vilji halda til haga óvini til að réttlæta endalaus stríð í heiminum.

Hætt við árás á al Qaeda vegna ótta við viðbrögð Pakistana

Athugasemdir

[Trausti G. Jónasson (IP-tala skráð) 8.7.2007 kl. 18:02]

Amen segi ég! Rumsfeld er vitlaust heigull sem kann  ekkert betur að fara með her heldur en Bush að fara með heila þjóð! 

 Hvenær ætla Bandaríkin að fara að láta gott af sér leiða í þessu  endalausa stríði þeirra?! Hið svokallaða "War on Terror" er ekkert nema reykur blekkinga ríkistjórnar BNA. 

[Hans Haraldsson (IP-tala skráð) 8.7.2007 kl. 22:39]

Ein af ástæðum Louis-Philppe fyrir að koma á útlendingahersvetinni vara að hafa hermenn sem enginn saknar, er það ekki?

Ég veit ekkert um það hvort Bandaríkjamenn séu meiri heiglar en annað fólk en hinsvegar er mannfall mjög erfitt fyrir pólitíkusa þar. Mun erfiðara en fyrir t.d franska pólitíkusa. Kannski arfur frá einangrunarhyggjunni.

Reyndar hafa bandaríkjamenn stefnt lengra og lengra í þá átt að byggja allann sinn herarfla upp í kring um það að heyja smástríð með sem minnstu mannfalli (sbr. vélmenni, UAVs, stýriflaugar o.s.frv). Sumir hafa reyndar gagnrýnt það og haldið því fram að herinn sé síður fær um að heyja "alvöru" stríð. T.d skorti landherinn tilfinnanlega langdræg loftvarnarflugskeyti. Sé það rétt er líklega um að ræða dýrustu og um leið verst heppnuðu varnarmálstrategíu í sögunni þar sem þeir eru alltaf að lenda í vandræðum í kring um þessi smástríð og íhlutanir. 

[el-Toro, 9.7.2007 kl. 01:29]

víst vilja bandaríkjamenn halda hræðsluáróðrinum um bin laden og al-qaeda eins lengi og það hentar þeim.  það er enginn vafi á því.  það versta við það hversu mikinn skaða þeir gera í heimi múslima með þessu uppátæki sínu.  þeir auka á öfgahygjuna á kostnað hins venjulega múslima sem er ekkert öðruvísi en við.

hinsvegar má ekki gera lítið úr pakistan og musharraf í þessu máli.  ég stórefast um að musharraf hefði gefið blessun sína fyrir slíku uppátæki að ráðast með bandarískan her inn í pakistan.  musharraf stjórnin þræðir þann þrönga og vandfundna stíg milli öfgahyggjunnar og hins almenna borgara.  minnstu mistök eins og ef eitthvað hefði farið úrskeiðis í pakistan þarna 2005 hefði auðveldlega getað kostað svipað ástand og við erum að fylgjast með frá rauðu moskvunni í islamabad.  bandaríkjamenn eða nató eru háðir því í afganistan að tiltölulega rólegt sé í pakistan ef þeir ætla sér að gera eitthvað gagn í afganistan.

það sorglegasta í þessu öllu saman er að pakistanska leiniþjónustan ISI sér um að vernda fullt af islamistum í phastung héraðinu í norð-vestur pakistan.  í sumum skjölum sem annaðhvort hafa lekið frá pentagon eða frá sjálfstæðum fjölmiðlum (sjálfstæðir fjölmiðlar eru þeir sem ekki þurfa að fara í gegnum ritskoðun bandaríkjahers....enginn vestrænn fjölmiðill er sjálfstæður) sem kanna ástandið þarna reglulega.  þarna eru liðsmenn ISI að virðist halda verndarvængi yfir marga af verstu mönnum talibana, al-qaeda og annarra hryðjuverkasamtaka sem ekki hafa verið nefnd svo oft og þessir tveir hópar í vestrænum fjölmiðlum.  enda er öllu hent undir vængi al-qaeda þessa dagana.  sumir ganga svo langt að segja að ISI sé í raun að þjálfa hryðjuverkamenn til að senda inn til Afganistan.  sjálfur held ég að eitthvað megi læra af þessum báðum fullyrðingum.

hvar starfaðirðu meðan þú varst í frönsku útlendingarhersveitinni???  (ef ég má spyrja)

[Sigurjón Sveinsson, 10.7.2007 kl. 13:05]

Svavar:
1er Régiment étranger de génie (áður 6eme)

[Þarfagreinir, 11.7.2007 kl. 10:18]

Annað hvort vill Kaninn ekki ná Bin Laden, eða hann er ófær um það. Hvort tveggja er ámóta jafn sorglegt.

[Sturla frá Laugum (IP-tala skráð) 12.7.2007 kl. 13:50]

En er Binni ekki bara dauður eða í haldi? Hentar ekki bara báðum aðilum? Alkarnir þurfa að segjast geta falið sig frá usa og kaninn vill búa til "martyr"!

 Bara svona að velta því upp... við fáum hvort sem ekki að vita nema brota brot af því sem er í gangi... ekki halda annað!