Fyrirstaða í aðildarviðræðum þegar komin upp á borð

Olli Rehn, stækkunarstjóri ESB, vill meina að við ættum að komast fljótt inn í ESB, en segir að við fáum engar undantekningar, þar á meðal í sjávarútvegsmálum.

Á ruv.is segir "Rehn ræddi við fréttamann þýska viðskiptablaðsins Handelsblatt og lýsti þar skoðunum sínum á hugsanlegri aðild Íslands. Hann útilokaði hvers kyns frávik frá aðildarskilyrðum Evrópusambandsins, einkum í ljósi kreppunnar.
...
Evrópusambandið sé mjög opið fyrir aðildarumsókn Íslands, og Ísland eigi heima í Evrópusambandinu. En landið verði að uppfylla öll skilyrði aðildar og gangast undir reglur sambandsins um sjávarútveg. Frávik komi ekki til greina. "

Þá vitum við afstöðu þessa manns. En ég held samt sem áður að við eigum að sækja um. Fyrr en það er gert vitum við ekki hvað við fáum.

Athugasemdir

[Hans Haraldsson (IP-tala skráð) 28.4.2009 kl. 17:58]

Þetta er ekki afstaða þessa manns heldur ESB. Umsóknarríki taka inn sáttmála ESB. Punktur. Frávik koma ekki til greina.

Sértækar reglugerðir koma hinsvegar til greina en þar er engin trygging. Ekkert bundið í samning og má þannig séð afnema með einu pennastriki.