Auðvitað ekki, þetta er Ferrari

Ferrari hefur alltaf verið á sérsamningum þegar kemur að úrskurðum hjá FIA. Fengið minni refsingar en aðrir en þegar þeir kæra stekkur FIA til og dæmir þeim í hag. Þetta hefur skemmt íþróttina mikið, finnst mér. Og skömmin var toppuð í fyrra í njósnamálinu. Ferrari, sem njósnar um aðra eins og aðrir njósna um þá, kærði McLaren því þeir gátu ekki unnið titil bílasmiða á brautinni. Ekta ítalskt, láta sig detta í vítateig og vinna heimsmeistaratitla í dómssölum. Og eiga dómara FIA.

Annars var Sutil alveg frábær í þessari keppni. Raikkonen má skammast sín fyrir að eyðileggja þetta fyrir honum með fádæma klaufaskap. En hefði þessu verið öðruvísi háttað, Sutil keyrt aftan á Ferrari, þá hefði hann sko fengið refsingu, það eru hreinar línur. Það má ekki styggja þessa eigendur FIA.

Aðhafast ekki gegn Räikkönen

Athugasemdir

[Ólafur (IP-tala skráð) 26.5.2008 kl. 10:13]

Það er alveg með ólíkindum að hlusta á fólk rausa, röfla og skammast útí Ferrari, það er alveg sama hvað gerist, allaf á Ferrari sökina!!! Óhöpp eiga sér stað og þetta var ekkert annað en akstursmistök sem ekkert er hægt að gera í. Vissulega má segja að heimsmeistari ökuþóra eigi að vera með það mikla getu og reynslu að svona eigi ekki að eiga sér stað, en brautin var ennþá blaut á köflum og allir ökumenn komir á þurrdekk, kappið var einfaldlega aðeins of mikið og Raikkonen skautaði upp á blautum hluta brautarinnar og því fór sem fór. Það er ómögulegt að þeir sem sáu atvikið geti komist að þeirri niðurstöðu að hann hafi gert þetta viljandi. Vissulega var þetta mjög leiðinlegt fyrir Sutil og ég finn til með honum en ég er sannfærður um að ef þessu hefði verið öfugt farið, þ.e. að Sutil hefði keyrt aftan á Raikkonen þá hefði niðurstaða dómara orðið sú sama. 

[Ómar Már (IP-tala skráð) 28.5.2008 kl. 21:13]

Mér finnst það reyndar ekki skrýtið miðað við hvernig Ferrari hefur hagað sér í gegnum árin. Það eru ótal dæmi um að Ferrari hafi komist betur frá hlutum en önnur lið.