Þegar fólk skýtur sig í fótinn, viljandi

Það má vel vera að þessar konur í Landssambandi kvenna í Frjálslynda flokknum séu ósáttar við Margréti. En nú vill svo til að Margrét er þarna í nafni Frjálslynda flokksins og ÓHÁÐRA, hvort sem þeim líkar það eða ekki og þær geta EKKERT gert í því annað en að pirra sig. Þá spyr maður sig: Ef það er ekkert sem þær geta gert, af hverju þá að styggja Margréti? Eru meiri líkur á því að Margrét sinni hugarefnum Frjálslyndra ef þær eru að rakka Margréti niður í fjölmiðlum? Þetta er eins óþroskað og hægt er. Plús það að þær eru þarna að ætlast til þess að stjórnmálamaður sé samkvæmur sjálfum sér. Sem er sjaldgæfari viðburður en lottóvinningarnir mínir (engir).

Og getur einhver sagt mér hvaða náttúrulögmál veldur því að þar sem fólk kemur saman í félagi, þá þurfa konur alltaf að koma sér afsíðis og búa til sér "kvennafélag"? Hvað varð um að vera bara saman? Þetta er hreint út sagt ótrúleg tilhneiging.

Vantrausti lýst á Margréti Sverrisdóttur

Athugasemdir

[Stefán (IP-tala skráð) 16.10.2007 kl. 09:37]

Ég spái núverandi Borgarstjórn ekki langra lífdaga. Björn Ingi svíkur fólk af minnsta tilefni og Margrét er flokkamella sem skiptir um skoðanir af minnsta tilefni.

[Sigurjón Þórðarson, 16.10.2007 kl. 09:37]

Fólk í Frjálslynda flokknum er einungis að minna á eigin skoðanir Margrétar Sverrisdóttur sem voru á þá leið að seta Gunnars Örlygssonar á Alþingi væri ósiðleg og jafnvel ólöglegt.  Núna mætir hún sjálfri sér í dyrunum og er afar ótrúverðug fyrir vikið.

Það er rétt að taka það fram hér í lokin að flestum í Frjálslynda flokknum er afar hlýtt persónulega til Margrétar og sömuleiðis föður hennar Sverris Hermannssonar og ég vona svo sannarlega að þeim vegni vel í því sem þau taka sér fyrir hendur.

[J. Einar Valur Bjarnason Maack , 16.10.2007 kl. 09:38]

Frjálslyndir buðu fram í síðustu kosningum, aldrei óháðir. Það var tekið upp eftir að Ólafur F og Marg-grét hættu.

[Sigurjón Sveinsson, 16.10.2007 kl. 09:55]

Sæll nafni.
Já, gott að minna Margréti á tvískinnunginn. En málið er að það eru ótrúlega margir pólitíkusar sekir um sama tvískinnung, þ.e. rífa sig niður í rassgat yfir einhverju prinsippi, en brjóta sama prinsipp daginn eftir því "staðan hefur breyst". Borgarstjórnarflokkur okkar Sjálfstæðismanna gerði þetta í borginni, Samfylkingin gerði þetta þegar núverandi ríkisstjórn var mynduð, núverandi Borgarstjórnarmeirihluti hefur nú þegar kyngt öllu varðandi samruna GGE og REI. Margrét er bara eins og hver meðal pólitíkus, því miður. Ágætiskona örugglega, skelegg og skemmtileg. En stendur ekki á sínum prinsippum lengur ein einn dag, því miður.
Stjórnmálamenn mættu vera meira heilir í sínu máli og sínum gjörðum, á borð við VG.

[Þröstur Erlingsson (IP-tala skráð) 16.10.2007 kl. 10:13]

Hér eru úrslit borgarstjórnarkosninganna 2007 og þar stendur skýrum stöfum F - Frjálslyndir og óháðir: http://www.kosningar.is/sveitarfelog/0000/urslit/nr/2793.

Þó að listabókstafurinn F hafi verið notaður þá var þetta greinilega framboð Frjálslyndra og óháðra. Þarna er Margét því einungis að hoppa á milli flokkabrota innan sama framboðsins. Og mér finnst það frekar augljóst að þegar menn bjóða fram með þetta viðskeyti þá eru menn að gefa skotleyfi á sér hvað þetta varðar. Mér finnst það skýr siðferðismunur á þessu framferði Margrétar og svo manna eins og Gunnars Örlygssonar og Kristins H. Gunnarssonar sem þær Frjálslyndu konur gleyma alveg að nefna. Ég man ekki betur en að hann hafi verið alveg jafnvelkominn í Frjálslynda flokknum og Gunnar var í Sjálfstæðisflokknum.

[Daði Einarsson, 16.10.2007 kl. 10:17]

Hér eru úrslitin í borgarstjórnarkosningunum 2006, http://www.kosningar.is/sveitarfelog/0000/urslit/nr/2793. Kemur skýrt fram F- listi Frjálslyndra og óháðra