Dagur B. Eggertsson veldur mér reglulega vonbrigðum

Dagur B. Eggertsson er gáfaður maður. Samt fer hann stundum með slíkt bull í fjölmiðla að maður stendur bara gapandi og veltir fyrir sér hvort hann sé svona vitlaus eða hvort hann sé að ljúga.

Í Kastljósi í gær átti sér stað eitt svona brainfart frá Degi B. Eggertssyni. Málefnið var breyting á rekstrarformi OR í ehf og Dagur og co eru með læti yfir því.

Dagur er í stjórn OR. Því mætti ætla að hann vissi margt og mikið um rekstrarumhverfi OR og orkufyrirtækja. Samt segir Dagur eftirfarandi:

Þetta er sannkallað upphlaup í þeim skilningi að við erum að gæta hagsmuna almennings, allra þeirra heimila sem hafa ekki raunverulegt val um það hvort að þeir skipti við Orkuveituna eða önnur veitufyrirtæki og er ástæða þess að orkufyrirtæki eru mjög illa fallin til til einkavæðingar.

Sko, jafnvel ég veit það að hver sem er getur skipt við hvaða fyrirtæki sem er í kaupum á raforku. Skiptir ekki máli hvað það er, hvar það er eða hver greiðslumátinn er. Það er meir að segja til fyrirtæki, Orkumiðlun, sem hjálpar fólki og fyrirtækjum að finna ódýrasta rafmagnsverðið á landinu. Þannig að annað hvort veit Dagur ekki af þessu (og er þar með óhæfur í stjórn OR) eða hann er að slá sig til pólitísks riddara algerlega óverðskuldað, og þar með að ljúga í beinni frá Akureyri. Og að sjálfsögðu var Dagur ekki krafinn frekari svara við þessu af Helga. Ef viðmælandinn er ekki framsóknarráðherra þá er Helgi allt í einu tannlaus.

Annars var þetta magnað viðtal. Dagur greyið var sambandslaus við Reykjavík og heyrði ekki neitt í Helga Seljan. Hélt því áfram og lét móðan mása út í eitt. Það var kostulegt að sjá Helga að reyna að grípa inn í "..en Dagur" í sífellu og Dagur hélt algerlega ótrauður áfram, eins og skriðdreki.

Athugasemdir

[Magnús Helgi Björgvinsson, 31.8.2007 kl. 10:39]

Hann var kannski að tala um kalda og heita vatnið sem heyrir undir orkuveituna. Enda kaupir orkuveitan megnið af rafmagni sínu sem hún selur Reykvíkingum af Landsvirkjun. Svo ég held að hann sé ekki að bulla. Raforka sem Orkauveitan framleiðir fer beint í stóriðju