Takk Svandís...

...fyrir enn eitt sjálfsmark þessarar ríkisstjórnar.

Landsvirkjun frestar viðræðum

Undarleg ummæli yfirmanns efnahagsbrotadeildar

Helgi Magnús Gunnarsson segir, skv. fréttinni, eftirfarandi: "Þeir virðast hafa gert sér far um að halda sig formlega innan ramma laganna, en við erum á þeirri skoðun að svo hafi ekki verið".

Maður verður hálf hvummsa við að lesa svona. Annað hvort eru hlutirnir löglegir eða ekki. Ef viðskiptin eru innan ramma laganna eru þau lögleg. Þetta er ekki flókið. Ef menn vilja gera hlutina ólöglega þar sem verið er að nýta glufur í lögunum, þá þurfa þeir bara að breyta lögunum og núllstilla mælana.

Nú er búið að dæma þessa menn sem brotamenn af almenningsálitinu, nöfnum lekið út og umfjöllun um þessi brot ansi undarleg (t.d. miðað við að grunaðir eru aldrei nafngreindir í morðmálum né nauðgunarmálum). Þá fer maður að spyrja sig hvort einhvað undarlegt sé í gangi hér. "Brotin" virðist lögleg að mati lögreglu en samt er búið að ákæra, rétta, dæma og taka af lífi í almenningsálitsdómi. Þ.e. ef einhver fótur er fyrir orðum Helga, að þeir grunuðu hafi í raun verið innan ramma laganna.

Furðulegt mál. 

Ekki málamyndaviðskipti

Hvað með frumkvöðla? Raunverulegur mælikvarði frumkvæðis kynjanna.

Mér finnst frábært að konur hafa komið af heimilunum og sótt fram bæði í menntun, stjórnmálum og almennri atvinnustarfsemi, frá því sem var þegar ég var polli. Þessi þróun hefur orðið án beinnar íhlutunar eins og kynjakvóta, að mestu leiti.

Aftur á móti má það ekki gerast að konur fari að fá einhverja forgjöf í þessum þáttum. Slík nálgun mun alltaf fella stóran skugga á afrek þeirra, tilkall og verðleika.

Einnig er athyglisvert, fyrst minnst er á lögbundna jöfnun í stjórnun fyrirtækja (ekta snobb "framför"), að þegar horft er á þann hóp Íslendinga sem mynda kjarna fyrirtækjarekstursins, þ.e. frumkvöðla, kemur í ljós að konur eru í miklum minnihluta frumkvöðla *.

Nú, ef fólk sem af eigin hvötum skiptist svona, af hverju á þá að gefa þeim hópi, sem mun minni er, raunverulegt forskot án þess að hafa unnið til þess (ef maður fer í spor femínismans og persónugerir helming landsmanna)? Að mínu mati á endamark þessarar þróunar að fólk skipti með sér verkum jafnt, og ábyrgð, ekki vera skikkað til þess með lögum.

Maður breytir og leiðir með fordæmi, ekki lagaboði og forræðishyggju að hætti, að því virðist, VG og Samfylkingarinnar.

Ef konur þyrpast fram sem frumkvöðlar, þar sem fólkið mætir sem raunverulega vill axla ábyrgð fyrirtækjarekstursins, og ná helming þar, en stjórnir eru áfram mestu skipaðar körlum, þá má fara að ræða þessa nálgun Árna Páls of fleiri, ekki fyrr.

* Heimild: Skýrsla Frumkvöðlaseturs HR, Frumkvöðlastarfsemi á Íslandi 2007. 

Þörf á beinum aðgerðum í jafnréttismálum

Til hamingju, Aggi

Aggi, ef þú lest þetta þá óska ég ykkur innilega til hamingju með árangurinn.

Frábær velgengni og þú átt hana svo sannarlega skilið. 

Íslendingur fær Michelin stjörnu

Skilduáhorf Chris Martenson; The Crash Course

Þegar ég var í færðingarorlofið horfði ég á fyrirlestraröð sem heitir The Crash Couse eftir Chris Martenson.

Þar lýsir hann því með sterkum rökum og heimildum að töluverðar líkur séu á því sem einmitt er verið að fjalla um í þessari frétt. Og einnig um skuldakreppu og orkukreppu helstu hagkerfa.

Þegar ég hafði horft á fyrirlesturinn, nota bene sem dró saman upplýsingar sem ég hafði oft heyrt áður, á spennandi hátt sem ég hafði aldrei velt þannig séð fyrir mér, rann upp fyrir mér ljós að við Íslendingar, þrátt fyrir núverandi þrengingar, búum við öfundsverðar framtíðarmöguleika.

 

The Crash Course

Fjármálakreppa yfirvofandi

Verður þá vatn pólitískt bitbein framtíðarinnar?

Í dag er málum þannig háttað (mest megnis) að þeir sem eiga landið sem vatnið er á eiga nýtingaréttinn. Ríkið kemur þar hvergi nærri.

En hvað er verið að segja með þessum vangaveltum Jóhönnu? Verður þá ríkið orðið eigandi allra vatna hérlendis? Og fer að sýsla með vatnið eins og núverandi stjórn er að gera með kvótann? Hótar "eignaupptöku"? Má þá faðir minn, sem á fyrirtæki hverrar rekstrargrundvöllur er sjálfrennandi vatnslind sem hann hefur nýtingarréttinn að, eiga von á að ríkið geri slíkt upptækt? Eða setji á það skatta sem eru ekki í dag (því kallinn á þetta)?

Það er einnig annað við þetta sem er varhugarvert: Hver er ríkið? Er það við? Er ríkið með kennitölu?

Svo er það nú líka það að "ríkið" hefur nú ekki reynst vera besti eigandi auðlinda í sögunni.

Ég vill fá að heyra meira um þetta mál, á praktískum nótum, áður en múgsefjunin hefst. Persónukjör t.d. hljómaði vel þar til nokkrir praktískir aðilar fóru að benda á augljósar brotalamir í þeirri álmu Shangri La.

Vatn almannaeign samkvæmt stjórnarskrá

...svona eins og í Víetnam? Og Sovét í Afganistan?

"Hann tekur hins vegar fram að NATO geti ekki verið í Afganistan um aldur og ævi. „En við munum vera þarna þar til við ljúkum verkinu,“ segir hann."

Það var einmitt það, já. Eins lengi og þörf krefur. Þetta er carte blanc, óútfyllt ávísun, á hernað í landi þar sem nokkrar þjóðir hafa reynt að beygja almenning undir sig en EKKERT áunnist. Frakkar, Bretar, Sovétmenn og nú NATO. 

Sagan er til þess að læra af henni. Það sem við áttum að læra, og NATO einnig, var að fara inn til að ná í Osaman Bin Laden og hans forkólfa. Búið. Það klúðraðist, mega klúður sem skrifast algerlega á US Army, þeir eru hvergi nærri því að ná karli og eiga þá bara að fara og leyfa Afgönum að lifa í friði. Eða í eigin ófriði.

Annars er þessi tilvitnun í framkvæmdastóra NATO mjög á þeim nótunum að NATO sé komið til að vera í Afganistan, afgönum og heimsfriði til óleiks. 

NATO vanmat aðstæður í Afganistan

Sorglega satt hjá Gylfa.

Hver reif sig niður í rassgat ár eftir ár vegna aftengingu persónuafsláttar við verðtryggingu?

Steingrímur J og co í VG.

Hverjir felldu niður verðtryggingu persónuafsláttar eftir að Sjallar loksins dröttuðust til að setja hann á og leiðrétta í fyrra? 

Steingrímur J og co í VG.

Hverjir drógu lappirnar í svokölluðum "stöðuleikasáttmála"? Var það vonda kapítalið í Samtökum Atvinnulífsins? Nei. Voru það reiðu "öreigarnir" í ASÍ? Nei. Var það ríkisstjórnin, leidd af VG og Samfylkingu, Jóhönnu og Steingrími?  Ójá.

Steingrímur þarf ekki að undrast orð Gylfa að öðru leiti en að þau séu ekki harðorðari og hafi ekki komið miklu fyrr.  Sannleikanum verður hver sárreiðastur.

Undrast ummæli Gylfa

Af braski og öðrum viðskiptum

Mér finnst alveg magnað hvað venjuleg viðskipti athafnamanna og frumkvöðla þurfa að verða allt í einu "brask" eða eitthvað annað álíka neikvætt hlaðið hugtak um leið og DV kemst með pennann í fréttina. Er það kannski vegna þess að þarna er formaður Sjálfstæðisflokksins til umfjöllunar? Hmmmm...

DV veldur aldrei vonbrigðum því maður hefur engar væntingar til þess blaðs. Aftur á móti mætti mogginn vanda sig aðeins meira. 

Kveðst ekki hafa braskað neitt

Sannleikurinn gjörir yður frjálsan, ekki statistik

Úlfar Kristinsson heitinn, stærðfræðikennari minn í Versló, stigbeygði (já, stigbeygði) einu sinni fyrir okkur nafnorðið "Lygi"; Lygi, haugalygi, statistik. Sem sagt, ef þú vilt virkilega ljúga, notaðu tölfræði.

Reyndar komst ég svo að því í HR í tölvunarfræðinni þar, þegar ég lærði loks tölfræði og líkindareikninga, að þetta væri nú ekki svona einfalt. EN, og þetta er stórt en, það er hægt að skekkja "sannleikann" með því að hagræða þeim stökum sem eru í sannleiksmenginu. Nú, eða skekkja þá útreikninga sem eru til grundvallar lokaniðurstöðu. Sem er það sem þessir blessaðir vísindamenn virðast hafa gert. Auðvitað. Því af hverju lifa þeir? Jú, að rannsaka hlýnunina af mannavöldum. Það væri náttúrulega hræðilegt fyrir atvinnuöryggi þeirra ef sú hlýnun reyndist ekki eiga neina inneign í raunveruleikanum.

Já, þá er best að best að bæta við haugalygina og fara út í statistik.

Pachauri gagnrýnir tölvuþrjóta