Þetta er bara fyndið

Eru þetta ekki sömu stjórnvöld sem hafa verið með lausnir "á leiðinni" allt árið? Lausnir á vandamálum sem eru vel greind og haugur af fólki hefur lagt til hugmyndir? Og lítið sem ekkert er komið á borðið ennþá? Frekar "gagnleikir" eins og að slá af borðinu borðleggjandi atvinnuskapandi liði eins og virkjanir og stóriðju?

Er þetta ekki sama fólkið og er búið að vera að lofa "skjaldborg til varnar heimilunum" síðan í október í fyrra? Skjaldborg sem hefur einungis komið fram sem vopn til að berja á heimilum og fyrirtækjum landsins?

Er þetta ekki sama fólkið og er svo hugmyndasnautt að eina leiðin til að auka tekjur ríkisins sem það getur komið með er skattahækkanir á skattahækkanir ofan? Þegar það er vitað mál, borðleggjandi, að besta lausnin til að auka tekjur ríkisins er að skapa störf í massavís? Laða að atvinnuskapandi stóriðju?

Þessi framtíðarsýn "20/20" er ekki í höndum trúverðugra aðila. Boðberarnir eru búnir að sýna það hingað til að hugmyndir þeirra eru ekki frumlegar né framsýnar. Bara þvaður og blaður.

Kannski er það þess vegna sem Dagur B. leiðir þetta. Íslandsmeistarinn í flokki stjórnmálamanna í að tala og tala og tala (strýkur liðað hárið inn á milli) án þess að segja nokkuð í raun. 

Ísland verði eitt af samkeppnishæfustu ríkjum heims

Athugasemdir

[Villi Asgeirsson, 25.9.2009 kl. 11:06]

Ég er sammála að þetta er hlægilegt og að flokkarnir í stjórn sé jafn hæfileikalausir og spilltir og D+B, en getur fólk ekki slakað á þessu virkjanarunki?

[Friðrik Hansen Guðmundsson, 25.9.2009 kl. 11:44]

Ég er sammála, það er orðið hrein og beint hlægilegt hvernig menn leyfa sér að rugla fram og aftur um "hvað" þeir ætla að gera og hvernig hlutirnir "muni" verða.

Það "eina" sem hefur verið gert er að samþykkja nauðasamninga Breta og Hollendinga með gríðarlegri skuldsetningu þjóðarinnar og síðan á að hækka skatta.

Aðgerðirnar eru í engu samræmi við þessi orð.

Það er verið að feta þjóðina í þveröfuga átt miðað við þetta markmið.

Hvaða brandara ætli okkur verið boðið upp á fyrir næstu helgi?

[Villi Asgeirsson, 25.9.2009 kl. 11:49]

George Orwell kallaði þetta DoubleSpeak. Maður segir eitt en meinar annað. Þetta kom allt frá Sannleiksráðuneytinu (Ministry of Truth). Er ekki bara verið að setja svoleiðis batterí upp á Íslandi?

[Friðrik Hansen Guðmundsson, 25.9.2009 kl. 11:55]

Það ráðuneyti hefur því miður verið starfandi á Íslandi allt of lengi.

Þrátt fyrir allt þá bjó hjá mér sú veika von um að ný ríkistjórn myndi ekki nota sér það ráðuneyti og starfshætti þess.

[Maelstrom, 25.9.2009 kl. 12:28]

Hvað var það aftur síðast?  Reyklaust Ísland 200x?  Er það sama fólkið sem sér um þessa markmiðasetningu?

[Friðrik Hansen Guðmundsson, 25.9.2009 kl. 14:17]

Jú, jú og einu sinni var okkur lofað eiturlyfjalausu Íslandi.

Ekkert hefur verið gert frá því þessi ríkisstjórn tók við völdum sem er að færa okkur í átt að þessu markmiði.

Margt hefur verið gert sem færir okkur frá þessu markmiði.

Er þetta svona vitlaust eða er það siðblint eða bara telur það "fólk vera fífl"?