Sigurjón Sveinsson

Ég heiti Sigurjón Sveinsson og er tölvunarfræðingur að mennt. Ég útskrifaðist með BS gráðu í tölvunarfræði 11. júní 2005 frá Háskólanum í Reykjavík, er með diploma gráðu í gæðastjórnun frá Endurmenntun HÍ frá 2011 og starfa í dag sem öryggisstjóri Novomatic Lottery Solutions. Áður starfaði ég 10 ár hjá Arion banka sem tölvunarfræðingur og síðar sérfræðingur í áhættustýringu, rekstraráhættu.

Ég á þrjú yndisleg börn, Bríeti, Þengil og Loga, með eiginkonu minni, henni Elsu. Þau eru mitt líf, mitt yndi.

Áhugasvið mitt fyrir utan fjölskyldulífið er mikið tengt tölvum og tækni. En einnig hef ég brennandi áhuga á pólitík og málefnum í þjóðfélaginu á líðandi stund. Þar fyrir utan hef ég áhuga á útivist, hreyfingu, tónlist, bílum og góðum mat.

Ég hef unnið við vefforritun síðan janúar 2000. Ég hóf störf hjá Gæðamiðlun, sem síðan rann saman við GSP ráðgjöf og varð að Mekkano. Sem síðan varð að Kveikjum. Sem svo sprakk í Netbólunni miklu. Ég skipti um vinnu 2001 og hóf störf hjá Origo, sem var þá hluti af Tölvumyndum. Ég hóf nám mitt í Háskólanum í Reykjavík í fjarnámi (hálft ár) fór síðan í HMV (Háskólanám með vinnu) og fór síðan í fullt staðarnám fyrir síðustu 3 annirnar. Samhliða náminu í HR vann ég sem kerfisstjóri í Valhúsaskóla á Seltjarnarnesi.

Á undan því var ég rúmlega fimm ár í frönsku útlendingaherdeildinni, frá 1. apríl 1994 -7.ágúst 1999. Um þann tíma má lesa á annari síðu minni, sigurjon.net

Ábyrgðarmaður skv. Þjóðskrá: Sigurjón Sveinsson